اسلام آباد۔ 3؍   اپریل

پاکستان نے مبینہ طور پر گزشتہ 25 سال کی مدت میں ہر پانچ سال بعد اپنا قرضہ تقریباً دوگنا کر لیا ہے۔  رپورٹ میں کہا گیا کہ قیمتیں بڑھ رہی ہیں اور حکومت گیس اور بجلی جیسی بنیادی سہولیات فراہم کرنے میں ناکام رہی ہے۔ رمضان المبارک میں کراچی گیس کی لوڈشیڈنگ کی لپیٹ میں آگیا۔

گیس کی بندش اور کم سپلائی کی وجہ سے شہری سحری نہیں بنا سکے اور افطار میں بھی پکوڑے اور سموسے کچے رہ گئے۔  روزنامہ جنگ نے بتایا کہ لوگ حیران تھے کہ روزہ کیسے رکھا جائے اور افطار کیسے کیا جائے۔ چارسدہ میں مفت سرکاری آٹے کی تقسیم کے دوران بھگدڑ مچنے سے 12 افراد جاں بحق اور متعدد زخمی ہوگئے۔

ذرائع کے مطابق چارسدہ کے بازار میں مفت سرکاری آٹے کی تقسیم کے دوران بھگدڑ مچ گئی جس کے نتیجے میں متعدد افراد زخمی ہوگئے۔ سرجانی قصبہ کا رہائشی اپنی جوان بیوی اور دو شیر خوار بیٹیوں کے ساتھ کرائے کے مکان میں رہائش پذیر تھا، بڑھتی مہنگائی اور بے روزگاری سے تنگ آکر خودکشی کی کوشش کی۔ وہ خاندان کا واحد کمانے والا فرد تھا۔

 شخص اور خاندان کے تین افراد نے زہریلی چیز کھا کر خودکشی کی کوشش کی۔ ایشین لائٹ نے ڈان کا حوالہ دیتے ہوئے رپورٹ کیا کہ اس صورتحال نے ان کی دو سالہ بیٹی کی جان لے لی۔  ایسے ہی دل دہلا دینے والے واقعات پاکستان کے مختلف علاقوں میں ہو رہے ہیں۔ گزشتہ ماہ پنجاب کے شہر نارووال میں ایک مزدور نے دو بچوں سمیت نہر میں چھلانگ لگا کر خودکشی کر لی تھی۔ایک اور واقعہ میں مظفر گڑھ میں مہنگائی سے تنگ ایک شخص نے اپنی چار سالہ بیٹی سمیت خودکشی کر لی۔