پاکستان کے وزیر اعظم عمران خان نے منگل کے روز چین کے صدر شی جن پنگ سے فون پر بات کی۔ اس دوران دونوں کے درمیان دوطرفہ اقتصادی اور تجارتی تعلقات کو مزید مضبوط بنانے کو لے کر بات چیت ہوئی۔

وزیراعظم کے دفتر سے جاری بیان میں کہا گیا ہے کہ دونوں رہنماؤں نے ٹیلی فونک گفتگو کے دوران دوطرفہ تعلقات اور تعاون کا جائزہ لیا۔ عمران خان نے چین کے ذریعہ  کورونا وبا پر کامیابی سے قابو پانے کے ساتھ ساتھ ترقی پذیر ممالک کے لیے امدادی اقدامات کو بھی سراہا جن میں پاکستان کے ساتھ ویکسین تعاون بھی شامل ہے۔

عالمی معیشت پر کورونا کے منفی اثرات کا جائزہ لیتے ہوئے دونوں رہنماؤں نے دوطرفہ اقتصادی اور تجارتی تعلقات کو مزید مضبوط بنانے پر اتفاق کیا۔ اس میں اقتصادی رکاوٹوں کو دور کرنے کے لیے چین-پاکستان آزاد تجارتی معاہدے کے فیز-II کے ذریعہ  تجویز کردہ صلاحیت کو مکمل طور پرحتمی شکل دیناشامل ہے۔

وزیراعظم نے چین پاکستان اقتصادی کوریڈور(CPEC) منصوبوں کے کامیاب، بروقت اور اعلیٰ معیار کے ساتھ نفاذ کو سراہا اورسی پی ای سی  کے خصوصی اقتصادی زون میں چینی سرمایہ کاری کا خیرمقدم کیا۔

دونوں رہنماؤں نے چین کے بیلٹ اینڈ روڈ انیشیٹو کے اعلیٰ معیار کے مظاہرے کے طور پرسی پی ای سی  کی سبز ترقی کو فروغ دینے پر اتفاق کیا۔ بات چیت کے دوران دونوں ممالک کے درمیان افغانستان کے حوالے سے بھی بات چیت ہوئی۔ دونوں رہنماؤں نے عالمی برادری سے فوری طور پر انسانی اور معاشی امداد کے ساتھ ساتھ جنگ زدہ ملک کی تعمیر نو کے لیے درکار امداد فراہم کرنے کا مطالبہ کیا۔

پاکستانی وزیر اعظم عمران خان نے دونوں ممالک کے درمیان آل ویدر اسٹریٹجک کوآپریٹیو پارٹنرشپ کو مزید متنوع بنانے کے لیے اعلیٰ سطح کے تبادلوں کی رفتار کو جاری رکھنے کی ضرورت پر بھی زور دیا۔ بات چیت کے دوران، خان نے چینی کمیونسٹ پارٹی کی صد سالہ یوم تاسیس  پر صدر شی کو مبارکباد دی اور غربت کے خاتمے کے خلاف جنگ میں چینی عوام کی جیت بتایا۔