اسلام آباد،  یکم  جون

پاکستان کی وزیر اطلاعات مریم اورنگزیب نے پیر کو اعلان کیا کہ پاکستان ٹیلی ویژن کارپوریشن (پی ٹی وی)نے ایک صحافی کو پاکستانی امریکیوں پر مشتمل وفد کے ساتھ اسرائیل جانے پر برطرف کردیا۔ مریم نواز نے کہا کہ صحافی احمد قریشی کو متنازعہ دورے پر نوکری سے نکال دیا گیا ہے۔  دی نیوز نے رپورٹ کیا کہ  ٹی وی اینکر  اسرائیل کے ذاتی دورے پر گئے تھے اور وزارت خارجہ نے پاکستان سے کسی بھی وفد کے اسرائیل کا دورہ کرنے کے تصور کو واضح طور پر مسترد کر دیا ہے۔

رپورٹ میں کہا گیا ہے کہ اس دورے کا اہتمام ایک غیر ملکی این جی او نے کیا تھا جو پاکستان میں مقیم نہیں ہے، جیسا کہ ملک کے دفتر خارجہ کے ترجمان نے ایک روز قبل ایک بیان میں کہا تھا۔  دی نیوز نے وزیر کے حوالے سے بتایا  فلسطین کی حمایت میں پاکستان کی پالیسی میں کوئی تبدیلی نہیں آئی، ہمارے ملک کی پالیسی واضح ہے اور قائداعظم کے احکامات کے مطابق پاکستانی عوام کی خواہشات کے خلاف کوئی پالیسی یا اقدام نہیں کیا جا سکتا۔

مریم اورنگزیب نے کہا کہ پاکستان اسرائیل کے ساتھ مسئلہ فلسطین پر اپنے روایتی اور اصولی موقف پر قائم ہے۔ دریں اثنا، پاکستان مسلم لیگ نواز (پی ایم ایل این) کی مرکزی نائب صدر مریم نواز شریف نے پیر کو پی ٹی آئی کے چیئرمین عمران خان پر الزام عائد کیا کہ پاکستان میں وہ واحد شخص ہیں جن کا اسرائیل سے خاندانی تعلق ہے۔

ٹوئٹر پر مریم نواز نے کہا کہ جھوٹے خط، جھوٹی عالمی سازش، جعلی قتل عام اور تاریخ کے ناکام ترین لانگ مارچ کے ڈرامے کے بعد اب اسرائیل میں وفد بھیجنا ’انتشار خان‘ کا ایک اور جھوٹ تھا۔  انہوں نے عمران خان کو خبردار کیا کہ وہ جھوٹ پھیلانا بند کریں ورنہ ان کے پاس منہ چھپانے کی جگہ نہیں ہوگی۔ مریم نے کہا،فتنہ خان آپ پورے پاکستان میں واحد شخص ہیں جس کے اسرائیل کے ساتھ براہ راست خاندانی تعلقات ہیں۔ آپ برطانیہ میں ایک مسلم امیدوار کے خلاف گولڈ سمتھ کی انتخابی مہم چلاتے ہیں۔