پاکستان ایف اے ٹی ایف کی گرے لسٹ میں رہے گا

پیرس ، 26 جون (انڈیا نیرٹیو)

دہشت گرد تنظیموں کو فنڈز فراہم کرنے اور ان سےتعلقات کے الزامات کاخمیازہ پورے پاکستان کے عوام کو برداشت کرنا پڑرہا ہے۔ دہشت گردوں کی مالی اعانت پر نظر رکھنے والی عالمی تنظیم ایف اے ٹی ایف (فنانشل ایکشن ٹاسک فورس) نے پاکستان کو منفی فہرست (گرے لسٹ) میں برقرار رکھا ہے۔ اس کی وجہ سے ، پاکستان کو بین الاقوامی مالیاتی فنڈ (آئی ایم ایف) سمیت بین الاقوامی اداروں سے سرمایہ کاری اور امداد کے لئے مالی مدد حاصل کرنے میں مشکل پیش آئے گی۔

پیرس میں موجود ایف اے ٹی ایف نے جون 2018 میں پاکستان کو واچ لسٹ میں شامل کیا تھا۔ پاکستان کو تین سال قبل ایف اے ٹی ایف کی منفی فہرست میں شامل کیا گیا تھا۔ جو اب بھی جاری ہے۔ پاکستان کے وزیر اعظم عمران خان نے پاکستان کو اس فہرست سے نکالنے کے لئے بہت کوشش کی لیکن ان کے ہاتھ کچھ نہیں آیا۔

ایک رپورٹ کے مطابق ، پاکستان میں دہشت گردوں کے مضبوط نیٹ ورک کی وجہ سے عمران کو ایف اے ٹی ایف کے ایکشن پلان پر عمل درآمد میں مشکلات کا سامنا ہے۔

پیرس میں ایف اے ٹی ایف کاورچوئل اجلاس 21 جون کو شروع ہوا اور آج 25 جون کو اختتام پذیر ہوا۔ اس میں فیصلہ کیا گیا کہ پاکستان منفی فہرست میں شامل رہے گا۔

ایف اے ٹی ایف کی شاخ ایشیا پیسیفک گروپ (اے پی جی) نے پاکستان سے انسداد منی لانڈرنگ اور دہشت گردی کی مالی اعانت کے اقدامات کو مستحکم کرنے کے لیے کہا تھا ۔