مودی نے آب و ہوا پرG7 اجلاس میں سبز ترقی، صاف توانائی کے لیے ہندوستان کی کوششوں پر روشنی ڈالی

وزیر اعظم نریندر مودی نے پیر کو امریکی صدر جو بائیڈن، کینیڈا کے وزیر اعظم جسٹن ٹروڈو اور فرانس کے صدر ایمانوئل میکرون سے جرمنی میںG7 سربراہی اجلاس میں ملاقات کی۔ پی ایم مودی جی 7 چوٹی کانفرنس میں پہنچے، جہاں جرمن چانسلر اولاف شولز نے ان کا استقبال کیا۔ ایک سینئر امریکی اہلکار نے پیر کو کہا کہ سات امیر جمہوریتوں کا گروپ روس پر یوکرین کی جنگ پر دباؤ بڑھانے کے لیے مربوط اقدامات کے ایک نئے پیکج کا عہد کرے گا، اور روسی تیل کی قیمتوں میں کمی کے منصوبوں کو حتمی شکل دے گا۔وزیر اعظم نے اتوار کو یہاںG7 سربراہی اجلاس کے موقع پر ارجنٹائن کے صدر البرٹو فرنانڈیز کے ساتھ ایک نتیجہ خیز میٹنگ کی اور دو طرفہ تعلقات کی مکمل رینج کا جائزہ لیا۔

ملاقات کے دوران دونوں رہنماؤں نے تجارت اور سرمایہ کاری، دفاعی تعاون، زراعت، موسمیاتی کارروائی اور غذائی تحفظ جیسے مختلف امور پر تبادلہ خیال کیا۔دونوں رہنماؤں کے درمیان یہ پہلی دوطرفہ ملاقات تھی۔ انہوں نے 2019 میں قائم دوطرفہ اسٹریٹجک پارٹنرشپ کو نافذ کرنے میں پیش رفت کا جائزہ لیا۔ مودی جی 7 سربراہی اجلاس میں حصہ لینے کے لیے اتوار کو جرمنی کے دو روزہ دورے پر یہاں پہنچے۔

 وہ طاقتور بلاک اور اس کے شراکت دار ممالک کے رہنماؤں کے ساتھ توانائی، خوراک کی حفاظت، انسداد دہشت گردی، ماحولیات اور جمہوریت جیسے مسائل پر بات چیت کریں گے۔ پی ایم مودی نے ٹویٹ کیا میونخ میں صدر الفریڈیز کے ساتھ انتہائی نتیجہ خیز ملاقات کے دوران ہندوستان-ارجنٹینا کی دوستی کی مکمل رینج کا جائزہ لیا۔ ہماری قوموں کے درمیان مضبوط تعاون سے ہمارے لوگوں کو بہت فائدہ پہنچے گا۔