Urdu News

نیپال کے وزیر اعظم پر چنڈ ہندوستانی دورے پر،کئی معاہدوں پر دستخط متوقع

وزیر اعظم نریندر مودی اور نیپال کے وزیر اعظم پر چنڈ

کاٹھمنڈو، 31 مئی (انڈیا نیرٹیو)

نیپال کے وزیر اعظم پشپ کمل دہل پرچنڈ ہندوستان کے دورے پر روانہ ہو گئے ہیں۔ وہ آج کاٹھمنڈو کے تریبھون بین الاقوامی ہوائی اڈے سے نیپال ایئر لائن کی معمول کی پرواز سے نئی دہلی کے لیے روانہ ہوئے۔

تیسری بار وزیر اعظم بننے کے بعد پرچنڈ کا یہ پہلا غیر ملکی دورہ ہے۔ وزیر اعظم پرچنڈ کے ساتھ پانچ وزرا ، ڈیڑھ درجن سکریٹریز اور جوائنٹ سکریٹریز، صنعت کار، صحافی ہیں۔ ان کے ساتھ ان کی بیٹی گنگا دہل بھی ہیں، وہ 3 جون کو نیپال واپس لوٹیں گے۔ اس دورے کے دوران پر چنڈ پاور بزنس پر توجہ مرکوز کرتے ہوئے ہندوستان سے بات کریں گے۔

ہند۔نیپال  کے بیچ اقتصادی شراکت داری چوٹی کانفرنس  کا انعقاد

ہندوستان ۔نیپال اقتصادی شراکت داری چوٹی کانفرنس کا  یہاں انعقاد کیا گیا تاکہ مستقبل کے حوالے سے دو طرفہ اقتصادی شراکت داری کے ایجنڈے پر بات چیت کے لیے ایک منفرد اہم پلیٹ فارم بنایا جا سکے۔

نیپال ایس بی آئی بینک لمیٹڈ (این ایس بی ایل)، نیپال انڈیا چیمبر آف کامرس اینڈ انڈسٹری (این آئی سی سی آئی)، بیر گنج چیمبر آف کامرس اینڈ انڈسٹری (بی سی سی آئی)، اسٹارٹ اپ نیٹ ورک (ٹی ایس این)، اور پی ایچ ڈی سی سی آئی  نے  بیر گنج، نیپال  میں انڈیا نیپال سینٹر نے جمعرات کو سمٹ کا اہتمام کیا۔

 فیصلہ سازوں کے تعاون سے ہونے والی بات چیت کا مقصد معیشت کے اہم شعبوں میں کاروباری مصروفیات اور سرمایہ کاری کی نئی راہیں کھولنے کے علاوہ بیر گنج میں بھارت نیپال کی اہم سرحد کے قریب تجارت کو بہت ضروری فروغ دینا تھا۔

Recommended