اقوام متحدہ کے ہائی کمشنر برائے انسانی حقوق وولکر ترک نے 9 مئی کے احتجاج میں ملوث شہریوں کے خلاف آرمی ایکٹ کے تحت مقدمہ چلانے کے پاکستان کے منصوبے کی مذمت کی ہے۔

اقوام متحدہ کے اہلکار نے بدھ کو جنیوا میں ایک نیوز کانفرنس سے خطاب کرتے ہوئے کہا، “پاکستان کا عام شہریوں پر مقدمہ چلانے کے لیے فوجی عدالتوں کے استعمال کو بحال کرنے کا منصوبہ پریشان کن ہے۔”9 مئی کو پاکستان تحریک انصاف  کے چیئرمین اور سابق وزیر اعظم عمران خان کو بدعنوانی کے ایک کیس میں اسلام آباد ہائی کورٹ کے احاطے سے نیم فوجی رینجرز کے ہاتھوں بدسلوکی اور بعد ازاں گرفتار کیے جانے کے بعد پورے پاکستان میں بڑے پیمانے پر مظاہرے پھوٹ پڑے۔

انہوں نے کہا، “ایک اور صورت حال جو میرے لیے گہری تشویش کا باعث ہے وہ یہ ہے کہ پاکستان میں محنت سے کمائے گئے فوائد اور قانون کی حکمرانی کو شدید خطرہ لاحق ہے۔”ترک نے کہا، “میں تشدد کے حالیہ اضافے، اور مسائل والے قوانین کے تحت بڑے پیمانے پر گرفتاریوں کی اطلاعات سے پریشان ہوں۔

خاص طور پر پریشان کن اطلاعات ہیں کہ پاکستان عام شہریوں پر مقدمہ چلانے کے لیے فوجی عدالتوں کے استعمال کو بحال کرنے کا ارادہ رکھتا ہے ، جو اس کی بین الاقوامی انسانی حقوق کے قانون کی ذمہ داریوں کی خلاف ورزی کرے گی۔انہوں نے متعلقہ حکام سے مطالبہ کیا کہ وہ 9 مئی کے احتجاج کے دوران ہونے والی ہلاکتوں اور زخمیوں کی فوری، غیر جانبدارانہ، شفاف تحقیقات کو یقینی بنائیں۔اس کے علاوہ، امریکہ نے پاکستان پر زور دیا ہے کہ وہ تمام شہریوں پر جمہوری اصولوں اور انسانی حقوق کا اطلاق کرے۔