اب تک صرف دو گھنٹہ کا دورانیہ اردو کے لیے خاص تھا
سعودی ریڈیو نے اب اپنے یہاں اردو نشریات کا بھی باضابطہ آغاز کردیاہے اور اس کا دورانیہ چالیس منٹ کا رکھاگیاہے۔ تفصیلات کے مطابق اردو نشریت کا آغاز سب سے پہلے 1950 میں کیاگیاتھا لیکن اس کا دورانیہ صرف منٹ کا تھا۔ اس کا مقصد یہ تھاکہ برصغیر پاک و ہند کے اردوداں طبقہ تک مملکت سعودی عرب کی آواز پہنچائی جاسکے، ابتدائی نشریات کا دورانیہ صرف 15 منٹ تھا اور ان میں مناسک حج سے متعلق ایک مذہبی بات چیت اور مہمان خدا کے لئے کچھ ہدایات شامل ہوتی تھیں۔ نشریات میں تلاوت کلام پاک،ایک دینی بات چیت، شاہی ترانہ اور خبریں ہوتی تھیں۔
1951ء میں،اردو نشریات میں مزید 10منٹ کا اضافہ کرکے دورانیہ40منٹ کردیا گیا۔اکتوبر 1956کو پروگرا م میں ہمہ گیر تبدیلی لائی گئی۔اردو نشریات کا وقت 40 منٹ سے بڑھا کر ایک گھنٹہ کردیاگیا،مذہبی،اطلاعاتی،ثقافتی اور تفریحی پروگرام شامل کردئیے گئے۔نومبر 1979 میں نشریات کا وقت بڑھا کر دو گھنٹے کردیا گیا اور نشریات کے فقروں میں تلاوت کلام پاک اور مذہبی بات چیت کے ساتھ ساتھ سعودی اخبارات کے تراشے،اطلاعاتی،دینی اور ثقافتی پروگراموں کا اضافہ کیا گیا اور پروگراموں کے درمیان عربی اور اردو نغمے اور موسیقی بھی نشر کی جانے لگی۔
عالمی اردو نشریات کے موجودہ صدر ڈاکٹر محمد لئیق اللہ خان ہیں،اس کے پہلے صدر جناب محمد نعیم رحمتہ اللہ تھے جنہوں نے سعودی ریڈیو سے اردو پروگرام کا آغاز کیا تھا،وہ سعودی شہری تھے ان کے بعد نصار رفیع صدر بنے،1395ھ مطابق1975 تک صدارت کرتے رہے،پھر طارق علی خان کو صدر شعبہ بنادیا گیا جو 1419ھ مطابق 1998میں اپنی ریٹائرمنٹ تک سعودی اردو سروس کے صدر رہے،ان کے بعد ڈاکٹر سید سعید عابدی صدر بنے۔سعودی ریڈیو کے پہلے اناو ¿نسر محمد نعیم رحمتہ اللہ تھے پھر نصار رفیع (رحمہ اللہ علیہ) ان کے ساتھ شامل ہوگئے پھر مسعود مصطفی (رحمہ اللہ علیہ)،ان کے بعد عبد اللہ عباس ندوی(رحمہ اللہ علیہ) اور عبد الوہاب شرف الدین(رحمہ اللہ علیہ) اس قافلے میں شامل ہوئے،یہ تمام حضرات سعودی شہری ہوگئے تھے،سعودی ریڈیو کے شعبہ اردو کے پہلے رفقاء کار کے سلسلے کی آخری کڑی ڈاکڑ سید سعید عابدی تھے۔ ٍ14 جولائی 2021 سے اردو نشریات کا دورانیہ 24 گھنٹے ہوگیا ہے۔ ابھی ٹرائل کا دور چل رہاہے۔23 ستمبر 2021 سے باقاعدہ افتتاح ہوگا۔شارٹ ویو 21 میٹر بینڈ یا 13775 کلو ہرٹز (یا) 13660 کلو ہرٹز اور FM 107,30فیس بک ٹویٹر، اسٹاگرام اور یوٹیوب پر پر ریڈیو کے اکاؤنٹ سے سے بھی اردوسروس 24 گھنٹے سنی جاسکتی ہے۔عرب سیٹ 5 پر بھی اردو سروس سن سکتے ہیں۔ مندرجہ ذیل لنک پر موبائل وغیر سے بھی سعودی عالمی اردو سروس کے پروگرام سنے جاسکتے ہیں۔
