کابل، 25؍اپریل

افغان شہریوں پر سخت قوانین نافذ کرنے کے بعد، طالبان نے مخلوط تعلیم کو ختم کرنے کے لیے اب دو اداروں میں مرد اور خواتین یونیورسٹی کے طلباکے ہفتے کے دن الگ کر دیے ہیں۔ مخلوط تعلیم کو ختم کرنے کی کوشش میں، طالبان کی وزارت اعلیٰ تعلیم نے مرد اور خواتین طالب علموں کے لیے الگ الگ یونیورسٹیوں میں جانے کے لیے ایک ہفتے میں مخصوص دن مختص کرنے کا اعلان کیا ہے۔

خامہ پریس نے رپورٹ کیا کہ اس حکم کا، فی الحال، کابل یونیورسٹی اور کابل پولی ٹیکنیک یونیورسٹی میں عمل کیا جائے گا۔ نئے ٹائم ٹیبل کے مطابق یونیورسٹیوں کی طالبات کے لیے تین دن مختص کیے جائیں گے جہاں کسی مرد کو آنے کی اجازت نہیں ہوگی۔  اسی طرح، باقی تین دن صرف اور صرف مرد طلبہ کے لیے مقرر کیے جائیں گے جہاں کسی لڑکی کی موجودگی کی اجازت نہیں ہے۔

ایک ویڈیو کلپ میں وزارت کے ترجمان احمد تقی نے کہا کہ یہ فیصلہ کابل یونیورسٹی کے مشورے کے بعد کیا گیا ہے جس میں اس بات پر زور دیا گیا ہے کہ مرد اور خواتین طلبا کے الگ الگ ہفتہ کے دن انہیں عملی سرگرمیوں اور سائنسی تحقیق کے لیے کافی وقت فراہم کر سکیں گے۔   خامہ پریس نے رپورٹ کیا کہ فی الحال، یہ حکم نامہ صرف کابل یونیورسٹی اور کابل پولی ٹیکنیک یونیورسٹی میں لاگو کیا جائے گا، جو مئی سے نافذ العمل ہوگا۔

اس سے قبل طالبان نے یونیورسٹیوں میں مخلوط تعلیم ختم کر دی تھی، لڑکیوں کے لیے صبح کی کلاسیں اور لڑکوں کے لیے دوپہر کی کلاسیں الگ کر دی تھیں۔  طالبان نے طالبات کی ثانوی تعلیم پر بھی پابندی لگا دی تھی۔  اگرچہ یہ فیصلہ واپس لے لیا گیا ہے لیکن انہیں دوبارہ کھولنا باقی ہے۔