بیجنگ ، 05 فروری (انڈیا نیرٹیو)

چین کے اقتدار پر ہمیشہ کیلئے قابض ہو چکےجن پنگ اب آنے والی نسلوں کے دل و دماغ پر اپنا انمٹ نقوش چھوڑنے کےلیے ایک خصوصی منصوبہ تیار کرچکے ہیں۔

 اس اسکیم کے تحت ، چھوٹے بچوں کوشی جن پنگ کی زندگی اور ان کی تقاریر کے بارے میں جانکاری دی جائے گی۔ کمیونسٹ پارٹی کی 100 ویں سالگرہ سے قبل چین میں اس بارے میں حکم جاری کیا گیا ہے۔

پارٹی کی سنٹرل کمیٹی نے بدھ کے روز اس سلسلے میں ہدایات جاری کیں ، جس کے تحت کم عمر بچوں میں نظریاتی تعلیم پر زور دینے کے لیے کہا گیا ہے۔ رہنما خطوط میں کہا گیا ہے کہ پرائمری اسکول اور سیکنڈری اسکول کے ابتدائی دو سالوں میں ، تمام طلباکے لیے ہفتے میں ایک کلاس شی جن پنگ کے خیالات کے بارے میں ہو۔

 بچوں کوجن پنگ کے احکامات کی تعمیل کرنے کے بارے میں سکھایا جائے گا اوران سے صرف وہی کرنے کو کہا جائے گا جو انہیں شی جن پنگ کی طرف سے حکم دیا جائے۔

چین میں ، سفارتکاروں ،اہلکاروں اور مصنفین پر دباؤہے کہ وہ اپنی پالیسیوں میں’شی کے خیالات‘کو شامل کریں۔ شی خود کو چین کا سپریم لیڈر کے طور پر قائم کرنے کی کوشش کر رہے ہیں اور ملک پر اپنے کنٹرول کو مستحکم کرنے کے لیے ہر ممکن کوشش کر رہے ہیں۔