ڈومینیکا جمہوریہ نے میہل چوکسی کوممنوعہ تارکین وطن کے زمرے میں شامل کردیا

ڈومینیکا جمہوریہ کی عدالت نے بھارت کے مفرورتاجرمیہل چوکسی کو ممنوعہ تارکین وطن کے زمرے میں شامل کردیا ہے۔ عدالتی فیصلے کے بعد ڈومینیکا کی وزارت قومی سلامتی اور داخلہ امور نے بتایا ہے کہ امیگریشن اور پاسپورٹ ایکٹ کے سیکشن 5 (1)  کے مطابق ، ڈومینیکا کے دولت مشترکہ کے 2017 میں ترمیم شدہ قانون کے تحت چوکسی کو ممنوعہ تارک وطن قرار دیا گیا ہے۔

ڈومینیکن جمہوریہ کے وزیرریبرن بلیک مورے کے دستخط کردہ حکم میں کہا گیا ہے کہ وہ ہدایت دیتے ہیں کہ مذکورہ ممنوعہ تارک وطن کو ڈومینیکا کے ترمیم شدہ ایکٹ میں طے شدہ طریقہ کار کے مطابق ملک سے نکالنے کے لیے ضروری کارروائی کی جائے۔

دریں اثنا  ڈومینیکا کے وزیر اعظم روزویلٹ اسکیرٹ نے چوکسی کو بھارتی شہری قرار دیتے ہوئے کہا ہے کہ  اب عدالت طے کرے گی کہ میہل چوکی کے ساتھ کیا سلک کیا جائے۔

قابل ذکر ہے کہ ڈومینیکا ہائی کورٹ نے مفرور ہیرے کے تاجر میہل چوکسی کی ضمانت کی درخواست پر سماعت 11 جون تک ملتوی کردی ہے۔ مجسٹریٹ کی جانب ے درخواست ضمانت مسترد ہونے کے بعد چوکسی نے ہائی کورٹ سے رجوع کیا تھا۔