وزیر خارجہ نے کویت کے ہم منصب سے دوطرفہ بات چیت کی

نئی دہلی ، 19مارچ (انڈیا نیرٹیو)

 وزیر خارجہ ایس کے جے شنکر نے جمعرات کے روز اپنے کویتی ہم منصب ڈاکٹر احمد ناصر آل محمد الصباح سے دوطرفہ بات چیت کی۔

کویت کے وزیر خارجہ احمد ناصر آل محمد الصباح سرکاری دورے پر بدھ کے روز دارالحکومت پہنچے۔ آج ، وہ وزیر خارجہ ایس کے جے شنکرسے دہلی کے حیدرآباد ہاوس میں ملے۔

اس ملاقات کے بارے میں معلومات دیتے ہوئے وزیر خارجہ نے دو ٹویٹس کی ہیں ، جس میں انہوں نے کہا ہے کہ علاقائی ترقی اور دوطرفہ امور پر بامقصد گفتگو ہوئی ہے۔ وہ اپنے تعلقات کو مزید گہرا کرنے کے لیے ان کے ساتھ مشترکہ کمیشن کی سربراہی کریں گے۔ اس دوران ، جے شنکر نے کورونا مدت کے دوران کویت میں ہندوستانی برادری کا خصوصی خیال رکھنے پر ان کا شکریہ ادا کیا۔

قابل ذکر ہے کہ گزشتہ سال کویت ہندوستان کو تیل کی فراہمی کرنے والا 10 واں سب سے بڑا ملک تھا۔ یہ ہندوستان کی توانائی کی 3.8 فیصد ضروریات کو پورا کرتا ہے۔ کویت میں تقریبا ساڑھے چھ لاکھ ہندوستانی رہتے ہیں۔