Urdu News

وزیر اعظم آج جی 20 اجلاس کا لوگو، تھیم اور ویب سائٹ لانچ کریں گے

وزیراعظم 5 فروری کو جے پور مہا کھیل میں حصہ لینے والوں سے خطاب کریں گے

نئی دہلی، 08 نومبر (انڈیا نیریٹو)

 وزیر اعظم نریندر مودی8 نومبر بروز منگل کی شام 4:30 بجے ویڈیو کانفرنسنگ کے ذریعے ہندوستان کی زیر صدارت ہونے والے جی ۔20 اجلاس کے لوگو، تھیم اور ویب سائٹ کی نقاب کشائی کریں گے۔

ہندوستان 1 دسمبر 2022 سے جی۔ 20 کی صدارت سنبھالے گا۔

وزیر اعظم کے وژن کی رہنمائی میں، ہندوستان کی خارجہ پالیسی عالمی سطح پر قائدانہ کردار ادا کرنے کے وژن کے ساتھ ابھر رہی ہے۔ اس سمت میں ایک اہم قدم کے طور پر، ہندوستان 1 دسمبر 2022 سے جی۔ 20 کی صدارت سنبھالے گا۔ جی 20 کی صدارت ہندوستان کو بین الاقوامی اہمیت کے اہم مسائل پر عالمی ایجنڈے میں حصہ ڈالنے کا ایک منفرد موقع فراہم کرے گی۔ ہماری جی 20 صدارت کے یہ لوگو، تھیم اور ویب سائٹس ہندوستان کے پیغام اور دنیا کے تئیں اس کی وسیع تر ترجیحات کی عکاسی کریں گے۔

جی 20 بین الاقوامی اقتصادی تعاون کا ایک بڑا فورم ہے، جو عالمی جی ڈی پی کا تقریباً 85 فیصد، عالمی تجارت کا 75 فیصد سے زیادہ اور دنیا کی تقریباً دو تہائی آبادی کی نمائندگی کرتا ہے۔ جی۔ 20 کی صدارت کے دوران، ہندوستان ملک بھر میں مختلف مقامات پر 32 مختلف شعبوں سے متعلق تقریباً 200 میٹنگیں کرے گا۔ اگلے سال ہونے والا جی 20 سربراہی اجلاس بھارت کی میزبانی میں ہونے والے اعلیٰ سطحی بین الاقوامی سربراہی اجلاسوں میں سے ایک ہوگا۔

Recommended