تین دن کے دورے کے دوران وزیر اعظم ، وزیر دفاع ، وزیر خارجہ اور این ایس اے سے ملاقات کریں گے

 ہفتہ کو بھارت امریکہ دو طرفہ اور کثیر الجہتی تعاون پر تبادلہ خیال کیا جائے گا

نئی دہلی ، 20مارچ (انڈیا نیرٹیو)

امریکہ کے سکریٹری برائے دفاع جنرل لائیڈ جے آسٹن جمعہ کی شام تین روزہ دورے پر ہندوستان پہنچے۔امریکی صدر جو بائیڈن انتظامیہ کے لائیڈ آسٹن پہلے امریکی وزیر دفاع ہیں جنہوں نے اپنے پہلے غیر ملکی سفر میں ہندوستان کو شامل کیا۔ 21 مارچ تک کے دورے کے دوران ، وہ وزیر اعظم نریندر مودی ، وزیر دفاع راجناتھ سنگھ ، وزیر خارجہ ڈاکٹر ایس جے شنکر اور قومی سلامتی کے مشیر اجیت ڈو ال سے ملاقات کریں گے۔ اس دورے کے دوران ، امریکی وزیر دفاع لائیڈ آسٹن کا ایجنڈا بنیادی طور پر مشرقی لداخ میں ، ہندوستان اور چین کے درمیان تعطل کا مسئلہ بھی ہوگا ، ایسی امید کی جا رہی ہے ۔

اپنے پہلے غیر ملکی سفر پر روانہ ہونے والے لائیڈ آسٹن جاپان اور جنوبی کوریا کے بعد جمعہ کی شام نئی دہلی پہنچے۔ ہوائی اڈے پر تینوں افواج کے ذریعہ آسٹن کا استقبال کیا گیا۔ وہ ہفتہ کی صبح 9 بجے نیشنل وار میموریل پر پھول چڑھائیں گے اور وہاں گارڈ آف آنر دیا جائے گا۔ اس کے بعد ، وزیر دفاع راجناتھ سنگھ اور آسٹن صبح 10.30 بجے روبروہوں گے جس کے بعد دو طرفہ وفد سے بات چیت ہوگی۔

بھارتی وفد میں چیف آف ڈیفنس اسٹاف جنرل بپن راوت ، بحریہ کے سربراہ ایڈمرل کرمبیر سنگھ ، آرمی چیف جنرل ایم ایم نرو نے اور ایئر چیف مارشل آر کے ایس بھدوریا کے علاوہ سیکریٹری دفاع اجے کمار اور دیگر اعلی افسران بھی شامل ہوں گے۔ اس کے بعد مشترکہ پریس بیان جاری کیا جائے گا۔

ذرائع کا کہنا ہے کہ اربوں ڈالر کے فوجی سودے کے بارے میں نہیں ، دو طرفہ اور کثیر الجہتی تعاون کے معاملے پر وزیر دفاع راجناتھ سنگھ سے ملاقات ہوگی۔ اس معاہدے پر دستخط ہونے کا امکان نہیں ہے ، لیکن امکان ہے کہ کچھ منصوبوں پر تبادلہ خیال کیا جائے۔