نئی دہلی،14؍ دسمبر
جی۔7مالک کے رہنماؤں نے ہندوستان کی G20 صدارت کی حمایت کی ہے اور ایک مساوی دنیا کے تئیں وعدوں کا اعادہ کرتے ہوئے بڑے نظامی چیلنجوں اور فوری بحرانوں سے مشترکہ طور پر نمٹنے کا عہد کیا ہے۔
ہندوستان نے باضابطہ طور پر 1 دسمبر کو جی۔ 20 کی صدارت سنبھالی ہے ۔ ریاستوں/حکومتوں کے سربراہان کی سطح پر اگلی جی20 لیڈروں کی چوٹی کانفرنس 9 اور 10 ستمبر کو نئی دہلی میں ہونے والی ہے۔
وزیر اعظم نریندر مودی نے کہا کہ ہندوستان “ایک زمین، ایک خاندان، ایک مستقبل” کے تھیم سے متاثر ہو کر اتحاد کو مزید فروغ دینے کے لیے کام کرے گا اور دہشت گردی، موسمیاتی تبدیلی اور وبائی امراض کو سب سے بڑے چیلنجوں کے طور پر درج کیا ہے جن کا بہترین طور پر مل کر مقابلہ کیا جا سکتا ہے۔
پیر کو جاری کردہ ایک مشترکہ بیان میں جی 7 ممالک کے رہنماؤں نے کہا کہ وہ سب کے لیے پائیدار مستقبل کی حمایت کرتے ہیں۔جرمن صدارت کے تحت جی7 نے، دوسرے بین الاقوامی شراکت داروں کے ساتھ، اپنے وقت کے بڑے نظامی چیلنجوں اور فوری بحرانوں سے مشترکہ طور پر نمٹنے کے اپنے عزم کا مظاہرہ کیا ہے۔ ہمارے وعدے اور اقدامات ایک مساوی دنیا کی طرف ترقی کی راہ ہموار کرتے ہیں۔
گروپ نے مشترکہ بیان میں کہا کہ جیسا کہ ہم جاپانی صدارت کے تحت ہیروشیما میں 2023 کے جی7 سربراہی اجلاس کو دیکھتے ہیں، اور ہندوستانی جی20 صدارت کی حمایت میں، ہم سب کے لیے ایک پرامن، خوشحال اور پائیدار مستقبل کی تعمیر نو کے لیے مضبوط، متحد اور پوری طرح پرعزم ہیں۔
