واشنگٹن،24 فروری (انڈیا نیریٹو)

اقوام متحدہ کی جنرل اسمبلی (یو این جی اے) میں یوکرین کے حوالے سے چین نے کہا کہ مغربی ممالک کی جانب سے یوکرین کو ہتھیار بھیجنے سے امن قائم نہیں ہوگا۔ یوکرین کے بحران پر طلب کردہ اقوام متحدہ کی جنرل اسمبلی (یو این جی اے) کے خصوصی اجلاس میں چین نے ایٹمی جنگ کو لیکر خبردار کیا۔

چین نے کہا کہ یوکرین کا بحران ابھی بھی بڑھ رہا ہے۔ ہم اس بارے میں بہت فکر مند ہیں۔ تمام ممالک کی خودمختاری اور علاقائی سالمیت کا احترام کیا جانا چاہیے۔ ایٹمی ہتھیار استعمال نہیں ہوسکتے، ایٹمی جنگ نہیں لڑی جاسکتی۔ امریکہ اور اس کے اتحادیوں پر تنقید کرتے ہوئے چینی نمائندے نے کہا کہ عالمی برادری کو چاہیے کہ وہ روس اور یوکرین کے درمیان امن مذاکرات شروع کرے۔

اسلحہ بھیجنے سے امن نہیں آئے گا۔ ہم ایک بار پھر اس بات کا اعادہ کرتے ہیں کہ بحران کو سفارت کاری اور بات چیت کے ذریعے ہی حل کیا جا سکتا ہے۔ یوکرین مسئلے پر آنکھیں بند نہیں کر سکتے۔ چین نے کہا کہ عالمی برادری کو چاہیے کہ وہ شعلوں سے کھیلنے اور خود غرضی کی بجائے امن مذاکرات کے لیے حالات پیدا کرے۔