مدھیہ پردیش اردو اکادمی کے زیر اہتمام محفل صوفیانہ، کیا ہے خاص؟

صوفی سیمینار، صوفیانہ مشاعرہ اور فکری اجلاس پر مبنی ہوگا پروگرام

مدھیہ پردیش اردو اکادمی سنسکرتی پریشد محکمہ ثقافت کے زیر اہتمام “وحدت میں تیری حرف دوئی کا نہ آسکے” اردو ادب میں وحدت الوجود پر مبنی محفل صوفیانہ: صوفی سیمینار، صوفیانہ مشاعرہ اور فکری اجلاس کا انعقاد۱۲ مئی ۲۰۲۳ کو ٹرائبل میوزیم آڈیٹوریم، شیاملہ پلس، بھوپال میں کیا جائے گا۔

مدھیہ پردیش اردو اکادمی کی ڈائریکٹر ڈاکٹر نصرت مہدی نے پروگرام کے بارے میں بتاتے ہوئے کہا کہ محفل صوفیانہ پروگرام تین اجلاس پر مبنی ہوگا۔پہلے اجلاس کے تحت دوپہر 2 بجے صوبے کے سبھی ضلع کوآرڈینیٹروں کے ساتھ فکری اجلاس کا انعقاد کیا جائے گا جس میں اکادمی کے زیر اہتمام آنے والے دنوں میں منعقد ہونے والے سلسلہ اور تلاش جوہر پروگرام کا خاکہ تیار کیا جائے گا۔دوسرا اجلاس شام 5 بجے منعقد کیا جائے گا جس میں “وحدت میں تیری حرف دوئی کا نہ آسکے” کے تحت اردو ادب میں وحدت الوجود پر مبنی  صوفی سیمینار میں ملک کے ممتاز ادبا شمیم طارق ممبئی، ضیا علوی لکھنؤ اور ڈاکٹر مہتاب عالم بھوپال اظہار خیال کریں گے۔

آخری اجلاس کے تحت شام 7 بجے کل ہند مشاعرہ کا انعقاد کیا جائے گا جس میں بین الاقوامی شہرت یافتہ شاعر اپنا کلام پیش کریں گے۔مشاعرے میں جو شعراء کرام شرکت کررہے ہیں ان میں ظفر صہبائی ۔ بھوپال ، صغیر احمد نوری ۔ بارہ بنکی، آغا سروش – حیدر آباد اقبال اشہر ۔ دلی، را جیش ریڈی ممبئی ، شارق کیفی ۔ بریلی، حافظ رفیق محسن اندور، ندیم شاد ۔ دیوبند، سالم سلیم ۔ دلی ، گووند گیتے کھنڈوا، ایوب عاصم چشتی ۔ بڑنگر اجین ، رشمی صبا (گوالیار ) ، پونم میرا ( گروگرام) اور غوثیہ خان سبین بھوپال وغیرہ کے نام شامل ہیں ۔ پروگرام کی نظامت کے فرائض ضیا علوی انجام دیں گے۔

ڈاکٹر نصرت مہدی نے بھوپال کے تمام محبان ادب سے پروگرام میں شرکت کی درخواست کی ہے ۔