کونسل اسکول میں تعلیم حاصل کرنے والا بنا پی سی ایس،یوٹا نے دی مبارکباد

بارہ بنکی،(ابوشحمہ انصاری)

کونسل اسکولوں کے بارے میں کوئی چاہے کچھ بھی کہے،لیکن کامیابی کے نتائج سے سماج کو اسکولوں کا حقیقی اندازہ کہیں نہ کہیں مل جاتا ہے۔ان کونسل اسکولوں کے تئیں سماج کی سوچ کچھ بھی ہو، لیکن کسن داس پور گاؤں کے اسکول میں اپنی ابتدائی تعلیم حاصل کرنے والے موضع قضیہ پور کے رہائشی راج کمار نے ثابت کر دیا ہے۔
اس کامیابی پر اسی کونسل اسکول کے اساتذہ اور یوٹا کے ضلع صدر آشوتوش کمار کی قیادت میں راج کمار سے ملاقات کی اور ان کی پرائمری تعلیم کی یاد تازہ کی۔واضح رہے کہ راجکمار کے والد بھی ایک سرکاری ملازم ہیں جو کونسل کے ایک اسکول میں اسسٹنٹ ٹیچر کے طور پر کام کرتے ہیں۔

راجکمار کو یہ کامیابی تیسری بار مینز اور پہلے ہی انٹرویو میں ملی۔اس نے اپنا انٹرمیڈیٹ امتحان مہارانی لکشمی بائی انٹر کالج بارہ بنکی سے مکمل کیا اور کرسچن کالج لکھنؤ سے گریجویشن کیا۔پی سی ایس میں منتخب ہونے کے بعد، وہ ضلع دیویانگجن امپاورمنٹ آفیسر کے طور پر کام کریں گے۔

 مبارکباد دینے ان کی رہائش گاہ پر پہنچنے والے اساتذہ میں یوٹاہ بلاک سرولی غوث پور کے وزیر منیش بیسوار،سینئر نائب صدر پرمود یادو،جونیئر یونین صدر رامانند،وزیر انیل کمار،چندن شکلا،راکیش یادو،راکیش کمار،شریکانت ورما سمیت درجنوں اساتذہ موجود رہے۔