این سی ای آر ٹی کی کتابیں نہ لینے والے پرائیویٹ اسکولوں پر کارروائی، کیسے دیکھتے ہیں آپ

رائے گڑھ، 6 اپریل

 این سی ای آر ٹی کی کتابیں نہ لینے والے پرائیویٹ اسکولوں پر انتظامیہ کارروائی کرے گی۔ ڈسٹرکٹ ایجوکیشن آفیسر، رائے گڑھ نے ایک حکم جاری کرتے ہوئے تمام پرائیویٹ اسکول انتظامیہ کو ہدایت دی ہے کہ اگر والدین کو کسی خاص پبلشر کی کتابیں خریدنے کے لیے دباو ڈالے جانے کی شکایت پائی جاتی ہے، تو متعلقہ اسکول کی تسلیمیت کو فوری طور پر منسوخ کرنے کے لیے کارروائی کی جائے گی۔

قابل ذکر ہے کہ کچھ پرائیویٹ اسکولوں میں نیشنل کونسل فار ایجوکیشنل ریسرچ اینڈ ٹریننگ (این سی ای آر ٹی) کے بجائے پرائیویٹ پبلشرز کی کتابیں پڑھانے کے لیے فہرستیں والدین کے حوالے کی جا رہی ہیں۔ ایک طرف جہاں سرکاری اسکولوں میں این سی ای آر ٹی کی کتابیں پڑھائی جاتی ہیں وہیں پرائیویٹ اسکول پرائیویٹ پبلشرز کی کتابوں کو ترجیح دے رہے ہیں۔

گزشتہ کچھ وقت سے محکمہ تعلیم کو شہر کے پرائیویٹ اسکولوں کی جانب سے حق تعلیم قانون کی دھجیاں اڑاتے ہوئے این سی ای آر ٹی کی کتابوں کو قبول نہ کرتے ہوئے والدین کو صرف ایک خاص پبلشر سے کتابیں خریدنے پر مجبور کئے جانے کی شکایتیں محکمہ تعلیم کو مل رہی تھیں۔

 یہی نہیں بلکہ بازار میں ان کتابوں کی عدم دستیابی کی صورت میں والدین کو کتابیں متعلقہ اسکول یا اسکول کی جانب سے مقرر کردہ اسٹیشنری کی دکانوں سے پرنٹ ریٹ پر فروخت کی جارہی تھیں۔ جسے والدین کو خریدنے پر مجبور ہونا پڑتا تھا۔

اس لیے ان شکایات کا نوٹس لیتے ہوئے ڈسٹرکٹ ایجوکیشن ا?فیسر رائے گڑھ نے بدھ کے روز ایسے اسکولوں کو سخت ہدایات جاری کی ہیں جو آر ٹی آئی کی خلاف ورزی کرتے ہوئے پائے گئے ہیں، اگر ایسی شکایتیں پائی جاتی ہیں تو متعلقہ اسکول کی تسلیمیت منسوخ کرنے کے لیے فوری کارروائی کی جائے گی۔