ڈاکٹر سید کلیم اصغر شعبۂ فارسی، جامعہ ملیہ اسلامیہ کے صدر نو منتخب

خبر نوشتگار

شاہ خالد، متعلم شعبۂ فارسی جامعہ ملیہ اسلامیہ نئی دہلی

ہندوستان کی مرکزی دانش گاہ جامعہ ملیہ اسلامیہ نئی دہلی اپنی بہترین تعلیمی کارکردگی اور ہمہ گیر تعلیمی شعبہ جات کے ضمرے میں اپنی مثال آپ ہے۔ ادارہ محولہ میں مختلف شعبہ جات قائم ہیں جو اپنی پایان محنت و افرادی محنت کش کی بنیاد پر روز بہ روز ترقی پر ہیں، جامعہ کے انہیں شعبوں میں اس ادارہ کا ایک قدیم اور دیرینہ جزو ، شعبہ فارسی ہے جو فارسی زبان کی تعمیر و ترقی اور اس کی زبان و ادب ، ثقافت و کلچر کے فروغ اور مابین الاقوام اس کے اغراض ومقاصد ، قدیم ترین تاریخ کی ترسیل کے لیے قائم کی گئی تھی جو آج کئی دہائیوں سے اپنے مقصد کے تحت کامیابی کے ساتھ رواں دواں ہے۔

یہ ادارہ مختلف ماہرین جماعت، باصلاحیت فارسی ادبیات نگاروں کی زیر سرپرستی میں کامیابی کے منازل مسلسل طے کرتی رہی ہے۔ لیاقت مند اساتذہ کی ایک تجربہ کار لابی ہے جو طلبا کو ہمہ جہت ادب مذکورہ میں مہارت پیدا کرنے کے لیے کوشاں رہتی ہے۔

جامعہ منتظمہ کمیٹی نے تین اگست ٢٠٢٣ء کو لیٹر پیٹ جاری کرکے ماہر ادبیات فارسی و مالک شیرین بیانی ڈاکٹر سید کلیم اصغر صاحب ایسوسی ایٹ پروفیسر شعبہ فارسی کو فارسی شعبہ کے صدارت کے عہدہ پر فائز کیا، اور چھ اگست سے با ضابطہ طور پر صدارت کی ذمہ داری موصوف مذکور کو سونپی۔

جیسے ہی حلقۂ شاگردان اور فارسی ادبیات سے ملحقہ جماعتوں، شعبہ کے معلموں اور ادب نگاروں کے درمیان یہ خبر رساں ہوتی ہے تو خوشی کے تانتے منڈلانے لگتے ہیں، چہار طرف سے مبارک بادیاں پیش کرنے کا ایک پر کیف سماں بندھ گیا ۔ آج بروز دوشنبہ شعبہ میں ڈاکٹر صاحب قبلہ کا بطور صدر شعبہ فارسی، شعبہ مذکورہ کے طلبا و اساتذہ و اراکین اور خصوصاً سابق صدر شعبہ، ادیب شہیر پروفیسر عبدالحلیم اخگر صاحب نے گلدستہ پیش کرکے استقبال کیا۔اور مبارک باد پیش کرکے نیک خواہشات کا اظہار کیا۔

صدر شعبہ نے بھی طلبا و معلموں سے مخاطب ہوکر فرمایا کہ شعبہ فارسی کی تعمیر و ترقی ہی ہماری بنیاد و اصل أصول زندگی ہے۔ اور فارسی زبان کی تاریخی نوعیت کی کامیاب ترجمانی کرنا، ادب و ثقافت کو چہار سو پھیلانا ہماری اولین ترجیح ہے، میں آپ سبھی سے التماسِ دعا ہوں کہ اللہ تعالیٰ ہمیں آپ کے امیدوں پر مکمل کھرا اتارے۔

بتادیں کہ شعبہ محولہ، فارسی زبان و ادب میں (گریجویشن)بی اے آنرس ، ماسٹر ، پی ایچ ڈی ، ڈپلومہ و ایڈ وانس ڈپلومہ کورسوں کے کرانے میں ہندوستان کی فارسی دانش گاہوں اور ادارہ جاتوں میں ایک اہم کڑی بلکہ اساسی رکن اور ممتاز ادارہ کی حیثیت رکھتی ہے ۔ اور فارسی زبان کے علاوہ دری، پستو اور دیگر فارسی مرجع ڈائیلاگس میں بھی سرٹیفکیٹ اور ڈپلومہ کے کورسز کرایے جاتے ہیں۔