اسكالرشپ کے مسائل کو جلد حل کیا جائے،مانو طلبا یونین صدر کا یو جی سی سے مطالبہ

<p dir="RTL">
مولانا آزاد نیشنل اردو یونیورسٹی کے طلبا یونین کے صدر عمر فاروق قادری نے یو جی سی کے افسران سے اسکالرشپس سے متعلق مسائل کو فوری حل کرنے کا مطالبہ کیا ہے۔ جمعہ کو طلباء تنظیم اسٹوڈنٹس اسلامک آرگنائزیشن آف انڈیا<span dir="LTR">(SIO) </span>کے ایک وفد نے یو جی سے کے جوائنٹ سیکرٹری جناب سریندر سنگھ سے ملاقات کی اور شمال مشرقی ہندوستان کے طلبا کو اعلیٰ تعلیم کے دی جانے والی ایشان اُدئے اِسکالرشپ میں بے ضابطگیوں کہ مسئلہ اٹھایا۔ اس موقع پر<span dir="LTR">MANUU </span>طلباء یونین کے صدر نے یونیورسٹی کے طلبا کو ملنے والی<span dir="LTR">Non-NET </span>اسکالرشپ میں تاخیر کے تعلق سے بھی گفتگو کی۔</p>
<p dir="RTL">
اشان اُدئے اسکیم کی شروعات 2014-15 سے ہوئی تھی جس میں معاشی طور پر کمزور اور تعلیمی میدان میں اچھی کارکردگی انجام دینے والے طلباء کو اسکالرشپ دی جاتی ہے۔ ایشان اُدئے اِسکالرشپ اسکیم کی فہرست اس سال بھی جاری کی گئی لیکن اس سال فہرست میں طلبا کے نام، مذہب اور کالجوں کے متعلق کافی بے ضابطگیاں پائی گئی ہیں۔ ایس آئی او نے یو جی سی اور وزارت تعلیم سے پورے معاملے کی تفتیش کا مطالبہ کیا ہے۔</p>
<p dir="RTL">
اس موقع پر عمر فاروق نے یو جی سے افسر کو بتایا کہ <span dir="LTR">MANUU</span>میں <span dir="LTR">Non-NET</span>اسکالرشپ ملنے میں اکثر کئی ماہ کی تاخیر ہو جاتی ہے۔ یونیورسٹی انتظامیہ سے استفسار کرنے پر وہ یو جی سی کو مورد الزام ٹھہراتے ہیں۔</p>
<p dir="RTL">
عمر فاروق نے کہا، "یو جی سے کے افسران نے ہمیں بتایا کہ اُنہوں نے ان بے ضابطگیوں کے منظرِ عام پر آنے کے بعد اسکالرشپ کی رقم روک دی ہے اور معاملے میں تفتیش کا آغاز کیا ہے۔ اُنہوں نے یقین دہانی کرائی ہے کہ پورے معاملے میں شفافیت کے ساتھ ضروری اقدامات کیے جائیں گے۔<span dir="LTR">Non-NET </span>اسکالرشپ سے متعلق مسائل کو بھی جلد حل کیا جائے گا، یہ کہا گیا۔<span dir="LTR">"</span></p>