دہلی میں یکم ستمبر سے کھلیں گے اسکول، ڈی ڈی ایم اے کی میٹنگ میں لیا گیا فیصلہ

<p dir="RTL" style="text-align: justify;">
نئی دہلی: دہلی میں مرحلہ وار طریقے سے اسکول کھولے<span dir="LTR">(Delhi School Reopen) </span>جائیں گے۔ ذرائع کے مطابق یہ فیصلہ ڈی ڈی ایم اے<span dir="LTR">  DDMA  </span>کے میٹنگ میں لیا گیا ہے۔ دہلی میں اسکول 1 ستمبر کو نویں سے بارہویں اور آٹھ ستمبر سے چھٹی سے آٹھویں تک کے اسکول کھلیں گے۔ اس تعلق سے دہلی ڈیزاسٹر مینجمنٹ اتھارٹی کی میٹنگ بلائی گئی تھی۔ ڈی ڈی ایم اے کی تشکیل کردہ کمیٹی نے اسکول کھولنے کی سفارش کی تھی۔</p>
<p dir="RTL" style="text-align: justify;">
اس سے پہلے ڈی ڈی ایم اے کمیٹی نے دہلی حکومت کو پیش کی گئی ایک رپورٹ میں مختلف سطحوں پر اسکول کھولنے کی سفارش کی تھی۔ کمیٹی نے اپنی رپورٹ میں 50 فیصد صلاحیت کے ساتھ اسکول کھولنے کی بات کہی تھی۔ اسکولوں سے کہا گیا ہے کہ وہ کورونا پروٹوکول پر سختی سے عمل کریں۔ اسکولوں کو بچوں کے لیے تمام حفاظتی معیارات کو پورا کرنا ہوگا۔</p>
<p dir="RTL" style="text-align: justify;">
وہیں یکم ستمبر سے راجسھتان میں بھی نویں سے بارہیوں جماعت کے اسکول کھلیں گے۔ محکمہ تعلیم نے بدھ کواسکول کھولنے کے حوالے سے ایس او پی جاری کیا۔ دو شفٹ میں کلاسیں ہوں گی ۔</p>