آدتیہ رائے کپور نے بطور وی جے اپنے کیریئر کا کیا تھا  آغاز

فلم اداکار آدتیہ رائے کپور 16 نومبر 1985 کو ممبئی میں پیدا ہوئے۔ آج بالی ووڈ میں ایک خاص مقام بنانے والے آدتیہ نے کبھی سوچا بھی نہیں تھا کہ ایک دن وہ اداکاری کی دنیا میں ایک جانا پہچانا نام بن جائیں گے۔

آدتیہ کو بچپن سے ہی کرکٹ کا شوق تھا اور وہ بڑے ہو کر کرکٹر بننا چاہتے تھے لیکن شاید قسمت میں کچھ اور تھا۔اپنی تعلیم مکمل کرنے کے بعد، آدتیہ نے چینل وی کے ساتھ وی جے کے طور پر اپنے کیریئر کا آغاز کیا۔

جہاں ان کی مزاحیہ ٹائمنگ اور میزبانی کے منفرد انداز نے انہیں ایک ہٹ بنا دیا۔ 2009 میں، آدتیہ نے وپل شاہ کی فلم ‘لندن ڈریمز’میں ایک چھوٹے سے کردار سے بالی ووڈ میں قدم رکھا۔

 سال 2013 میں آئی ان کی فلم ‘عاشقی 2’ نے انہیں راتوں رات اسٹار بنا دیا۔ اس فلم میں ان کے مد مقابل شردھا کپور تھیں۔ اس فلم میں ان کی اداکاری کو شائقین نے خوب سراہا تھا۔ اس کے ساتھ ہی آدتیہ کو اس فلم کے لیے بہترین اداکار کا ایوارڈ بھی ملا۔