رنویر سنگھ کی آنے والی فلم ‘سرکس’ کا شاندار ٹیزر جاری،جانیئےکیاہےخاص؟

فلم اداکار رنویر سنگھ کی آنے والی فلم سرکس ان دنوں بحث میں ہے۔ یہ ایک فیملی کامیڈی فلم ہوگی۔ اس فلم میں اداکار رنویر سنگھ مرکزی کردار میں نظر آئیں گے۔ رنویر سنگھ کے علاوہ اس فلم میں جیکولین فرنانڈیز ، پوجا ہیگڑے، ورون شرما، جانی لیور، مرلی شرما، سولھا آریا، سنجے مشرا، سدھارتھ جادوو بھی ہیں اور اپنی بہترین کامیڈی ٹائمنگ سے ناظرین کو ہنسائیں گے۔

پیر کو، فلم سازوں نے فلم کا ایک زبردست ٹیزر جاری کیا، جس میں فلم کے تمام اہم کرداروں کی جھلکیاں دکھائی دیتی ہیں۔ خاص بات یہ ہے کہ فلم کے اس ٹیزر میں رنویر سنگھ اور ورون شرما دونوں ڈبل رول میں ہیں۔فلم کا ٹیزر سنجے مشرا سے شروع ہوتا ہے جس میں ناظرین کو 60 کی دہائی میں خوش آمدید کہتے ہیں۔ اس کے بعد جانی لیور کا کہنا ہے کہ ان دنوں بچے گوگل سے نہیں بلکہ اپنے دادا دادی سے سوال کرتے تھے۔ اس وقت خبریں صرف خبر ہوا کرتی تھیں، بریکنگ نیوز نہیں تھیں۔ بچے لوری سنتے ہوئے سوتے تھے، کوئی کہانی نہیں دیکھتے تھے۔

اس کے بعد ایک ایک کر کے فلم کے تمام اہم کردار ٹیزر میں پہلے اور آج کے دور کا موازنہ کرتے نظر آ رہے ہیں۔ فلم کے ٹیزر کے ساتھ ہی میکرز نے فلم کے ٹریلر کی ریلیز کی تاریخ کا بھی اعلان کیا ہے۔ فلم کا ٹریلر 2 دسمبر کو ریلیز کیا جائے گا۔ روہت شیٹی کی ہدایت کاری میں بننے والی ‘سرکس’ شیکسپیئر کے ڈرامے ‘دی کامیڈی آف ایررز’ سے متاثر ہے۔ ‘سرکس’ میں روہت شیٹی کے ساتھ ساتھ بھوشن کمار بھی شامل ہیں۔

فلم رواں سال کرسمس کے موقع پر 23 دسمبر کو سینما گھروں میں نمائش کے لیے پیش کی جائے گی۔