فلم ’سلام وینکی‘کا شاندار ٹریلر ریلیز،اس فلم کی کہانی کے بارے میں جاننے کے لیے یہاں کلک کریں

میکرز نے پیر کو طویل انتظار کے بعد اداکارہ کاجول کی آنے والی فلم ‘سلام وینکی’ کا شاندار اور جذباتی ٹریلر جاری کیا۔

ٹریلر میں فلم کے تمام اہم کرداروں کی جھلک ہیں جن میں اداکارہ کاجول، وشال جیٹھوا، راہول بوس، راجیو کھنڈیلوال، آہنا کمرا، پرکاش راج شامل ہیں۔ کاجول نے ٹریلر کو سوشل میڈیا پر مداحوں کے ساتھ شیئر کیا ہے۔

ٹریلر کاجول اور اس کے بیٹے وینکی (وشال جیٹھوا) کے ساتھ شروع ہوتا ہے جو فلم میں سجاتا نامی خاتون کا کردار ادا کر رہی ہیں۔ جس میں وینکی اپنی ماں سے پوچھتا ہے- تم کہاں تھی؟ اس کے بعد کاجول کہتی ہے کہ ایسے پوچھ رہے ہو جیسے کسی کے ساتھ بھاگ گئی ہوں!

ایک سچی کہانی اور حقیقی کرداروں سے متاثر، ‘سلام وینکی’ کا ٹریلر ایک مثالی ماں سجتا اور اس کے بیٹے وینکی کے گرد گھومتا ہے، جو انتہائی مشکل حالات کا مسکراہٹ کے ساتھ سامنا کرتے ہیں۔

اس فلم کی ہدایت کاری تجربہ کار اداکارہ-ڈائریکٹر ریوتی کر رہی ہیں۔ بلائیو پروڈکشن اور ٹیک 23 اسٹوڈیو پروڈکشن کے بینر تلے سورج سنگھ اور شردھا اگروال کی پروڈیوس کردہ اس فلم کی کہانی سمیر اروڑہ نے لکھی ہے۔ فلم رواں سال 9 دسمبر کو سینما گھروں کی زینت بنے گی۔