بھائی جان کی سالگرہ تقریب میں چمکے ستارے،سابق گرل فرینڈ کا پرتپاک استقبال

بالی ووڈ کے بھائی جان 57 سال کے ہو گئے۔ اس خاص موقع پر انہوں نے گزشتہ رات ایک شاندار پارٹی دی ، جس میں بی ٹاؤن کا قریب قریب ہر ستارہ چمکتا ہوادکھائی دیا۔ لیکن سب سے زیادہ چرچہ شاہ رخ خان اور سنگیتا بجلانی کی ہو رہی ہے۔

سلمان نے یہ پارٹی بہن ارپیتا خان اور بہنوئی آیوش شرما کے گھر پردی تھی۔ بالی ووڈ کے کنگ خان کی پارٹی میں موجودگی نے خاص طور پر سب کی توجہ اپنی جانب کھینچ لی۔ دونوں خانوں کو ایک ساتھ دیکھ کر بہت اچھا لگا۔اسی دوران سلمان خان کی سابق گرل فرینڈ سنگیتا بجلانی بھی پارٹی میں پہنچ گئیں۔

سلمان خان نے سالگرہ کی تقریب میں شرکت کے لیے پہنچنے والی سنگیتا بجلانی کو پیشانی پر بوسہ دے کر ان کا پرتپاک استقبال کیا۔ سنگیتا نے جامنی رنگ کا چمکدار لباس پہنا تھا۔ یہی نہیں ، پارٹی ختم ہونے کے بعد سلو میاں کو اپنی سابقہ گرل فرینڈ کو گاڑی تک چھوڑتے ہوئے بھی دیکھا گیا۔ بھائی جان کی ایک اور سابق گرل فرینڈ یولیا ونتور کو بھی پارٹی میں دیکھا گیا۔ انہوںنے بلیک کلر کی شمری ڈریس میں اپنا گلیمر بکھیراتھا۔

رتیش دیش مکھ اور جینیلیا ڈی سوزا سلمان کے قریبی دوستوں میں سے ہیں ، اس لیے لوگ پہلے ہی اس جوڑے کی توقع کر رہے تھے۔ دونوں رنگین ملبوسات میں پارٹی میں داخل ہوئے۔بالی ووڈ کے مشہور جوڑے پلکت سمراٹ اور کریتی کھربندا نے بھی پارٹی میں شرکت کی۔ کریتی سفید اسکرٹ اور کراپ ٹاپ میں بہت خوبصورت لگ رہی تھی ، جبکہ پلکت کیزول لک میں دکھائی دیئے۔اداکارہ سوناکشی سنہا سلمان کی سالگرہ کی تقریب میں بلیک لِک میں پہنچیں۔ وہ سادہ لیکن خوبصورت لگ رہی تھیں ، جب کہ اداکارہ تبو بھی سیاہ اور سفید لباس میں شاندار لگ رہی تھیں۔