فلم’وکرم ویدھا‘کا پہلا گانا’الکوہلیا‘ریلیز

ریتک روشن اور سیف علی خان کی آنے والی فلم ‘وکرم ویدھا’ کا پہلا گانا ‘الکوہلیا’ ہفتہ کو ریلیز ہوا۔ گانا ایک ڈانس نمبر ہے۔ ریتک روشن نے فلم کا یہ گانا مداحوں کے ساتھ سوشل میڈیا پر شیئر کیا۔

فلم کے اس گانے میں ریتک زبردست ڈانس موو کرتے نظر آ رہے ہیں۔ شائقین اس گانے کو بے حد پسند کر رہے ہیں۔ اس گانے کو وشال شیکھر اور اننیا چکرورتی نے گایا ہے۔ ساتھ ہی اس کی موسیقی وشال شیکھر نے ترتیب دی ہے جبکہ اس کے بول منوج منتشر نے لکھے ہیں۔

اہم بات یہ ہے کہ ریتک روشن اور سیف علی خان کی فلم وکرم ویدھا میں سیف وکرم اور ریتک ویدھا کے کردار میں نظر آئیں گے۔ ‘وکرم ویدھا’ 2017 کی تمل فلم کا ہندی ریمیک ہے۔ اس فلم کی ہدایت کاری پشکر گایتری نے کی ہے جنہوں نے اصل فلم بنائی تھی۔ اصل تمل فلم میں آر مادھون اور وجے سیتوپتی نے مرکزی کردار ادا کیے تھے۔ فلم وکرم-بیتال کی تاریخی کہانی پر مبنی ہے، جس میں ایک چالاک گینگسٹرہربار پولیس والے سے بچ کر فرار ہوجاتا ہے۔ اس لیے اس فلم میں سیف اور ریتک کو ایک ساتھ دیکھنا دلچسپ ہوگا۔

وکرم ویدھا کو نیرج پانڈے اپنی کمپنی فرائیڈے فلم ورکس کے تحت ریلائنس انٹرٹینمنٹ اور وائی ناٹ اسٹوڈیوز کے ساتھ مل کر پروڈیوس کررہے ہیں۔ فلم رواں ماہ 30 ستمبر کو ریلیز ہوگی۔