شمیتا شیٹی کے برتھ ڈے کی تقریب میں راج کندرا پہنچے سب سے الگ انداز میں

بالی ووڈ اداکارہ شمیتا شیٹی نے 2 فروری کو اپنا 44 واں یوم پیدائش منایا۔ ان کی سالگرہ پر مداحوں سے لے کر ستاروں تک کی جانب سے انہیں ڈھیروں مبارکبادیں دی گئیں۔ شمیتا شیٹی نے اپنا برتھ ڈے شلپا شیٹی، ان کے شوہر راج کندرا اور قریبی دوستوں کے ساتھ منایا۔برتھ ڈے کی تقریب میں شمیتا شیٹی سرخ رنگ کے ٹاپ اور شارٹس میں نظر آئیں ، جب کہ شلپا شیٹی سفید ٹاپ اور سیاہ شارٹس میں نظر آئیں۔ اس دوران راج کندرا نے سب کی توجہ اپنی طرف کھینچ لی۔ وہ شمیتا شیٹی کی سالگرہ کی پارٹی میں ہیلمٹ پہن کر پہنچے۔

انسٹاگرام پر شیئر کی گئی ایک ویڈیو میں راج کندرا نے پارٹی میں داخل ہوتے ہی اپنے چہرے کو سلور ہیلمٹ سے ڈھانپ لیا۔ سوشل میڈیا پر بہت سے لوگوں نے ان کے غیر معمولی انداز پر ردعمل کا اظہار کیا۔ کندرا نے سفید جیکٹ کے ساتھ سیاہ ٹی شرٹ پہن رکھی تھی۔ انہوں نے میچنگ جوتوں کے ساتھ سلور ہیلمٹ بھی پہنا تھا۔ ان کا سر ڈھکا ہوا تھا اور صرف آنکھیں نظر آ رہی تھیں۔ پارٹی وینیو میں داخل ہونے کے بعد ہی انہوں نے اپنا ہیلمٹ اتار دیا۔