کیا شاہ رخ خان کی بادشاہت اب بھی ہے برقرار؟ کیا سوچتے ہیں آپ؟

بلیک لک میں ٹیرس پر پہنچنے والے کنگ خان نے مداحوں کی مبارکباد قبول کی، مشہور شخصیات نے بھی نیک خواہشات کا اظہار کیا

رومانس کے بادشاہ اور بالی ووڈ کے کنگ شاہ رخ خان بدھ کو 57 برس کے ہو گئے۔ ان کے مداحوں کے علاوہ مشہور شخصیات بھی انہیں اس خاص دن پر مبارکباد دے رہے ہیں۔

ہر سال کی طرح اس سال بھی شاہ رخ خان کے بنگلے ’منت‘ پر ان کے مداحوں کا ہجوم رہا۔ کنگ خان نے بھی انہیں مایوس نہیں کیا۔ وہ چھوٹے بیٹے ابرام کے ساتھ آدھی رات کو منت کے ٹیرس پر پہنچے اورہاتھ ہلایا اورمداحوں کا شکریہ ادا کیا۔ اس کے بعد انہوں نے دونوں ہاتھ پھیلا کر اپنی  شناخت بن چکی ایکٹنگ بھی دکھائی۔

سوشل میڈیا پر وائرل ہونے والی ایک ویڈیو میں شاہ رخ خان اپنے ٹیرس سے مداحوں کا مبارکباد قبول کرتے ہوئے نظرآ رہے ہیں۔ اس دوران کنگ خان بلیک ٹی شرٹ اور بلیو جینز میں نظر آئے۔ مداحوں نے انہیں ان کے خاص دن پر مبارکباد دی۔

اس کے ساتھ ہی مداحوں کے ساتھ مشہور شخصیات بھی شاہ رخ خان کو سالگرہ کی مبارکباد دے رہے ہیں۔ جان ابراہم نے اپنے ساتھی اداکار شاہ رخ خان کو ان کی سالگرہ پر ایک پٹھان ٹیزر وقف کرتے ہوئے مبارکباد دیتے ہوئے ٹویٹ کیا،”ہیپی برتھ ڈے شاہ رخ۔ یہ دن آپ کے لیے ہے۔ ہمیشہ آپ کو پیار کریں گے. 25 جنوری 2023 کو اپنی قریبی بڑی اسکرین پر وائی آر ایف50 (یشراج فلمز) کے ساتھ پٹھان کا جشن منائیں۔ ہندی، تمل اور تیلگو میں ریلیز ہو رہی ہے۔

پٹھان میں شاہ رخ کی کوسٹار، دپیکا پادوکون نے بھی شاہ رخ خان کو سالگرہ کی مبارکباد دیتے ہوئے اپنے سوشل میڈیا اکاؤنٹ پر لکھا، مبارک ہوسالگرہ مبارک ہو بادشاہ۔ یہ آپ کا خاص دن ہے۔

اداکارہ ادیتی راؤ حیدری نے لکھا، ”شاہ رخ کا عالمی دن ہے! جو مجھے یقین دلاتا ہے کہ کچھ بھی ممکن ہے، وہ ابدی محبت موجود ہے، اور جو کچھ بھی ہو، ۔ ہیپی برتھ ڈے جنٹلمین 101۔ ہمیشہ عزت اور محبت جناب۔

وہیں کرکٹر سریش رینا نے ایک تصویر شیئر کرکے شاہ رخ کو مبارکباد دی ہے۔ تصویر کے ساتھ، انہوں نے لکھا، “بہترین اور سب سے زیادہ ورسٹائل اداکار وں میں سے ایک   کو سالگرہ مبارک۔

ورک فرنٹ کی بات کریں تو شاہ رخ خان ان دنوں اپنی آنے والی فلموں کو لے کر کافی بحث میں ہیں۔ شاہ رخ خان جلد ہی سدھانت آنند کی فلم پٹھان اور ایٹلی کی فلم جوان میں نظر آئیں گے۔ شائقین شاہ رخ خان کی ان فلموں کی ریلیز کا بے صبری سے انتظار کر رہے ہیں۔ اس کے علاوہ وہ ان دنوں فلم ڈنکی کی شوٹنگ میں بھی مصروف ہیں۔