ٹوئٹر پر ٹرینڈ ہورہے شبھمن گل اور سارہ علی خان، وجہ جانیں

بالی ووڈ کی ببلی اداکارہ سارہ علی خان کا نام اس وقت ٹوئٹر پر ٹرینڈ کر رہا ہے۔رپورٹس کے مطابق سارہ علی خان کو حال ہی میں کرکٹر شبھمن گل کے ساتھ ایک ریسٹورنٹ میں دیکھا گیا، جہاں دونوں ایک دوسرے کا ہاتھ پکڑے ہوئے نظر آئے۔ جس کے بعد دونوں کی ویڈیو سوشل میڈیا پر وائرل ہوئی اور ان کے افیئر کی خبریں ان دنوں زیر بحث ہیں۔

دراصل شبھمن گل ماضی میں سچن تندولکر کی بیٹی سارہ تندولکر کے ساتھ اپنے رشتے کو لے کر کافی چرچے میں تھے۔ دونوں کے رشتے میں ہونے کی قیاس آرائیاں کی جا رہی تھیں۔

دونوں کو اکثر ایک دوسرے کی تعریف کرتے دیکھا گیا۔ لیکن دونوں کو کبھی کسی عوامی مقام پر ایک ساتھ نہیں دیکھا گیا اور میڈیا کی جانب سے ان کے افیئر کی خبر شائع ہونے کے بعد دونوں نے ایک دوسرے کو سوشل میڈیا پر ان فالو کر دیا جس کے بعد ان کے بریک اپ کی خبریں بھی میڈیا پر چھائی رہیں۔

وہیں شبھمن گل کے سامنے نظر آنے والی اس ویڈیو میں سارہ علی خان کے ساتھ دیکھنے کے بعد جہاں ان کے افیئر کی خبریں زیر بحث ہیں۔ اس کے ساتھ ہی سوشل میڈیا پر میمز کا سیلاب آگیا ہے اور صارفین کا کہنا ہے کہ شبھمن نے اس سارہ کو چھوڑ کر اس سارہ کا ہاتھ پکڑ لیا جو خود سے 3 سال بڑی ہے۔