سال 2021 میں تفریحی دنیاکی کون سی مشہور شخصیات تنازعات میں رہیں؟

<p dir="RTL" style="text-align: justify;">
سال 2021 جہاں تفریحی دنیا کے کئی ستاروں کے لیے خوشیوں سے بھرا رہا وہیں اس سال کئی ایسی مشہور شخصیات بھی ہیں جو تنازعات میں گھری ہوئی رہیں۔اس شمارے میں ہم اپنے قارئین کو ایسے ہی ستاروں کے بارے میں بتا رہے ہیں جن کا تعلق اس سال تنازعات سے رہا۔</p>
<p dir="RTL" style="text-align: justify;">
<strong>کنگنا رناوت</strong></p>
<p dir="RTL" style="text-align: justify;">
اس فہرست میں پہلا نام کنگنا رناوت کا ہے۔ اپنے اوٹ پٹانگ بیانات کی وجہ سے خبروں میں رہنے والی کنگنا رناوت کافی سرخیوں میں رہیں۔ اس بیان میں کنگنا نے کہا تھا کہ ' ملک کو 1947 میں بھیک مانگ کر آزادی ملی تھی، جب کہ ملک کو حقیقی آزادی 2014 میں ملی۔ 'کنگنا اس متنازعہ بیان کی وجہ سے سرخیوں میں رہیں۔</p>
<p dir="RTL" style="text-align: justify;">
<strong>ویر داس</strong></p>
<p dir="RTL" style="text-align: justify;">
اداکار اور اسٹینڈ اپ کامیڈین ویر داس بھی اس سال اپنے ایک مونولاگ کے لیے تنازعات میں گھرے تھے۔ درحقیقت، بیرون ملک ایک اسٹینڈ اپ کامیڈی شو کے دوران ویر نے ہندوستان مخالف تبصرہ کیا۔ انہوں نے کہا کہ ہندوستانی مرد دن میں عورتوں کی پوجا کرتے ہیں اور رات کو ان کی عصمت دری کرتے ہیں۔ ان کے اس مونولاگ کے بعد انہیں شدید مخالفت کا سامنا کرنا پڑا۔</p>
<p dir="RTL" style="text-align: justify;">
<strong>تاپسی پنو</strong></p>
<p dir="RTL" style="text-align: justify;">
اسی سال تاپسی پنو کے گھر پر انکم ٹیکس ڈیپارٹمنٹ نے چھاپہ مارا۔ اس دوران تاپسی پر ٹیکس چوری کا الزام لگا جس کی وجہ سے وہ کافی تنازعات میں رہیں۔</p>
<p dir="RTL" style="text-align: justify;">
<strong>ایشوریہ رائے بچن</strong></p>
<p dir="RTL" style="text-align: justify;">
فلم اداکارہ ایشوریہ رائے بچن بھی اس سال تنازعات کا شکار رہیں۔ حال ہی میں، ایشوریہ رائے بچن کو  پنامہ پیپرس کیس میں سرخیوں میں رہیں۔حال ہی میں دہلی کے لوک نائک بھون میں ای ڈی کے سامنے انہیں پیش ہونا پڑاتھا۔</p>
<p dir="RTL" style="text-align: justify;">
<strong>جیا بچن</strong></p>
<p dir="RTL" style="text-align: justify;">
فلم اداکارہ اور سماج وادی پارٹی کی رکن پارلیمنٹ جیا بچن کو بھی حال ہی میں سوشل میڈیا پر ٹرول کیا گیا۔ دراصل، جیا بچن کو راجیہ سبھا میں نارکوٹک ڈرگس اینڈ سائیکوٹرپک مادہ (ترمیمی) بل 2021 پر بحث پر بولنے کے لیے کہا گیا تھا۔ لیکن اس دوران جیا بہت ناراض ہوگئیں اور بی جے پی پر شدید حملہ کیا۔جیانے کہا آپ کے برے دن جلد آنے والے ہیں۔ میں لعنت بھیجتا ہوں۔ "</p>
<p dir="RTL" style="text-align: justify;">
<strong>منمن دتہ</strong></p>
<p dir="RTL" style="text-align: justify;">
مشہور ٹی وی شو تارک مہتا کا الٹاچشمہ میں ببیتا جی کا کردار ادا کرنے والی اداکارہ منمن دتہ بھی اپنی ایک ویڈیو میں ذات پات کا لفظ استعمال کرنے پر تنازعہ کا شکار ہو گئیں۔ تاہم بعد ازاں منمن دتہ نے معاملہ طول پکڑنے کے بعد سوشل میڈیا کے ذریعے سب سے معافی مانگ لی تھی۔</p>
<p dir="RTL" style="text-align: justify;">
<strong>سیف علی خان</strong></p>
<p dir="RTL" style="text-align: justify;">
فلم اداکار سیف علی خان فلم ' بھوت پولیس ' اور ویب سیریز تانڈو کو لے کر کافی تنازعات میں رہے۔ اس دوران ان پر اپنی فلموں میں ہندو دیوی دیوتاؤں کی توہین اور ہندوؤں کے مذہبی جذبات کو ٹھیس پہنچانے کا الزام لگایا گیا۔</p>
<p dir="RTL" style="text-align: justify;">
<strong>آرین خان</strong></p>
<p dir="RTL" style="text-align: justify;">
شاہ رخ خان کے پیارے بیٹے آرین خان کو رواں سال 2 اکتوبر کو ممبئی سے گوا جانے والے کروز شپ پر ڈرگ پارٹی کے دوران این سی بی کے چھاپے میں گرفتار کیا گیا تھا جس کے بعد آرین کافی تنازعات میں گھر گئے تھے۔ اس وقت آرین ضمانت پر جیل سے باہر ہیں۔</p>
<p dir="RTL" style="text-align: justify;">
<strong>کرن جوہر</strong></p>
<p dir="RTL" style="text-align: justify;">
فلمساز کرن جوہر اس وقت تنازعات میں گھر گئے تھے جب اداکار کارتک آرین کو ان کی فلم دوستانہ 2 سے ڈراپ کیا گیا تھا اور ان پر اقربا پروری کو فروغ دینے کا الزام لگایا گیا تھا۔ اس حوالے سے سوشل میڈیا پر کارتک آرین کے حق میں اور کرن جوہر کے خلاف شدید مہم چلائی گئی۔</p>
<p dir="RTL" style="text-align: justify;">
<strong>جیکولین فرنینڈس</strong></p>
<p dir="RTL" style="text-align: justify;">
200 کروڑ کے منی لانڈرنگ کیس میں نام آنے کے بعد جیکولین فرنینڈس اور ٹھگ سوکیش چندر شیکھر کے درمیان ڈیٹنگ کی بھی باتیں ہو رہی ہیں۔ انفورسمنٹ ڈائریکٹوریٹ نے جیکولین سے کئی دور تک پوچھ گچھ کی ہے اور ماضی میں انہیں ممبئی ایئرپورٹ پر باہر جانے سے بھی روک دیا گیا تھا۔ جیکولین سکیش کے ساتھ اپنے تعلقات کو لے کر تنازعات میں رہیں۔</p>
<p dir="RTL" style="text-align: justify;">
<strong>کے آر کے</strong></p>
<p dir="RTL" style="text-align: justify;">
بگ باس 3 کے مدمقابل کمال رشید خان عرف کے آر کے بھی اپنے کئی متنازعہ بیانات کی وجہ سے خبروں میں تھے۔ خاص طور پر سلمان خان کی فلم رادھے کو لے کر منفی ریویوز دینے کے علاوہ کے آر کے نے سلمان پر کئی الزامات بھی لگائے۔ جس کے بعد سلمان نے ان کے خلاف ہتک عزت کا مقدمہ دائر کیا ہے۔</p>
<p dir="RTL" style="text-align: justify;">
ان سب کے علاوہ اداکارہ اننیا پانڈے، راج کندرا، کرینہ کپور خان، عامر خان، فاطمہ ثنا شیخ، میکا سنگھ، جاوید اختر وغیرہ جیسے کئی ستارے اس سال تنازعات میں گھرے رہے۔</p>