نئے پارلیمنٹ کی عمارت کا سنگ بنیاد 10 کو، وزیر اعظم بھومی پوجن کریں گے

<div style="text-align: right;"></div>
<div style="text-align: right;">New Parliament building</div>
<div style="text-align: right;">نئی دہلی ، 05 دسمبر. لوک سبھا اسپیکر اوم برلا نے ہفتہ کے روز بتایا کہ وزیر اعظم نریندر مودی 10 دسمبر بروز جمعرات کو پارلیمنٹ ہاوس کی نئی عمارت کے لئےبھومی پوجن کر اس کا سنگ بنیا د رکھیںگے۔ اس کی اونچائی بھی موجودہ پارلیمنٹ ہاوس کے برابر ہوگی۔</div>
<div style="text-align: right;">لوک سبھا اسپیکر برلا نے اپنی رہائش گاہ پر پریس کانفرنس کرتے ہوئے امید ظاہر کی کہ ملک کی آزادی کی 75 ویں سالگرہ کے موقع پارلیمنٹ کا اجلاس نئی عمارت میں بلایا جائے گا۔ اس عمارت میں ہندوستان کے ثقافتی تنوع کی جھلک دیکھنے کو ملے گی۔</div>
<h4 style="text-align: right;"> موجودہ عمارت جتنی ہی اونچی</h4>
<div style="text-align: right;"></div>
<div style="text-align: right;">انہوں نے کہا کہ نئی عمارت 64500 مربع میٹر کے رقبے میں پھیلی ہوگی اور اس کی تعمیر پر 971 کروڑ روپئے لاگت آئے گی۔ یہ پارلیمنٹ کی سابقہ عمارت سے 17 ہزار مربع میٹربڑی ہو گی۔ انہوں نے بتایا کہ نیا پارلیمنٹ ہاوس اگلے سو سال کی ضروریات کو مدنظر رکھتے ہوئے بنایا جارہا ہے۔ ٹاٹا پروجیکٹ لمیٹڈ کو اس کی تعمیر کا ٹھیکہ دیا گیا ہے۔ اسے ایچ سی پی ڈیزائن پلاننگ اینڈ مینجمنٹ نے ڈیزائن کیا ہے۔ انہوں نے کہا کہ اس عمارت میں 1224 ارکان پارلیمنٹ ایک ساتھ بیٹھ سکتے ہیں۔ شکتی بھون کی جگہ دونوں ایوانوں کے ممبران کے لئے آفس کمپلیکس تیار کیا جائے گا۔</div>
<h4 style="text-align: right;">پارلیمنٹ کی سابقہ عمارت</h4>
<div style="text-align: right;"></div>
<div style="text-align: right;">برلا نے کہا ، "موجودہ شرام شکتی بھون کی جگہ ہر ممبر پارلیمنٹ کو 40 مربع میٹر کا دفتر مہیا کیا جائے گا۔ یہ دفتر زیرزمین راستے کے ذریعے نئے پارلیمنٹ ہاوس سے منسلک ہوگا“۔برلا نے کہا کہ اس تقریب کے لئے تمام سیاسی جماعتوں کو دعوت نامے بھیجے گئے ہیں۔ کچھ اس میں براہ راست شامل ہوںگے اور کچھ ورچوئل میڈیم کے ذریعہ شامل ہوںگے ۔ بھومی پوجن پروگرام میں کورونا سے متعلق تمام رہنما خطوط پر عمل کیا جائے گا۔</div>
<div style="text-align: right;">نئی عمارت میں ایک بڑا آئینی ہال ہوگا ، جو ہندوستان کے جمہوری ورثے کو ظاہر کرے گا۔ اس کے علاوہ اس میں ممبران پارلیمنٹ کے لئے ایک لاونج ، لائبریری اور مختلف کمیٹیوں کے کمرے ، کھانے پینے کے مقامات اور پارکنگ کا بندوبست ہوگا۔ پارلیمنٹ کی نئی عمارت میں اب سے زیادہ کمیٹی روم اور پارٹی دفاتر ہوں گے۔</div>
<h4 style="text-align: right;">موجودہ شرام شکتی بھون</h4>
<div style="text-align: right;"></div>
<div style="text-align: right;"><a href="https://urdu.indianarrative.com/india/superstar-rajinikanth-will-announce-his-political-party-in-january-next-year-17446.html">نئی عمارت</a> میں ممبران پارلیمنٹ کی تعداد میں اضافے کے امکان کو مدنظر رکھتے ہوئے بیٹھنے کا انتظام کیا گیا ہے۔ یہاں لوک سبھا میں 888 اور راجیہ سبھا میں 384 ممبران کے بیٹھنے کا انتظام ہوگا۔ اس وقت لوک سبھا میں 543 اور راجیہ سبھا میں 245 ممبران کے بیٹھنے کا انتظام ہے۔</div>
<div style="text-align: right;">انہوں نے کہا ، "موجودہ پارلیمنٹ ہاوس ہمارا ورثہ ہے اوروہیں پر ہمارا آئین تخلیق گیا تھا۔ مجاہدین آزادی نے یہیں بیٹھ کر آئین کو حتمی شکل دی تھی۔یہ آئندہ نسلوں کے لئے باعث ترغیب ہوگی‘۔</div>
<div style="text-align: right;">New Parliament building</div>.