سیاسی بحران کا سامنا کرنے والے عمران خان کو حاصل ہوئی روس کی حمایت

<p dir="RTL" style="text-align: justify;">
<strong>روس نے کہا، امریکہ عمران کو ماسکو دورے کی سزا دے رہا ہے</strong></p>
<p dir="RTL" style="text-align: justify;">
پاکستان میں سیاسی بحران کا سامنا کرنے والے عمران خان کو اب روس کا سہارا ملا ہے۔ مسلسل ایک طاقتور ملک پر اپنی حکومت کو غیر مستحکم کرنے کا الزام لگا رہے عمران کی بات کی روس نے حمایت کی ہے۔ روس نے کہا ہے کہ امریکہ عمران کو فروری میں ماسکو کا دورہ کرنے کی سزا دے کر غیر مستحکم کر رہا ہے۔</p>
<p dir="RTL" style="text-align: justify;">
پاکستان میں اپوزیشن کی تحریک عدم اعتماد پر سبکدوش ہونے والے وزیراعظم  بین الاقوامی سازش کا الزام لگا رہے ہیں۔ انہوں نے الزام لگایا تھا کہ امریکہ سے ان کے پاس حکومت گرانے والا ایک خط بھی آیا تھا۔گذشتہ جمعہ کو انہوں نے امریکہ کا نام لیے بغیر کہا تھاکہ ان کے روس کے دورے سے ایک طاقتور ملک ناراض ہو گیا تھا۔ انہوں نے یہ بھی کہا کہ ایک بہت طاقتور ملک نے ان سے پوچھا کہ وہ روس کیوں گئے؟۔وہ ایک ملک سے پوچھ رہے ہیں کہ ہم روس کیوں گئے؟۔ اس لیے وہ ہم سے ناراض ہیں۔ ان کے بیان کا اشارہ  امریکہ کی طرف تھا لیکن روس نے کھل کر امریکہ پر الزام لگایا ہے۔</p>
<p dir="RTL" style="text-align: justify;">
روسی وزارت خارجہ کی ترجمان ماریا زاخارووا نے ایک بیان میں کہا کہ عمران خان کے 23 سے 24 فروری کو روس کے دورے کے اعلان کے بعد سے امریکہ اور اس کے حامی ممالک نے عمران پر روس کا سفر نہ کرنے کے لیے دباؤ ڈالنا شروع کر دیا تھا۔ اس کے باوجود جب عمران خان پہنچے تو واشنگٹن میں پاکستانی سفیر کو بلایا گیا اور دورہ فوری منسوخ کرنے کو کہا گیا۔ اس کے باوجود جب ایسا نہ ہوا تو عمران کو عہدے سے ہٹانے کی کوششیں شروع ہو گئیں۔ انہوں نے امریکہ کے اس اقدام کو ملک کے اندرونی معاملات میں مداخلت قرار دیا۔</p>