اقوام متحدہ،29 دسمبر (انڈیا نیریٹو )

یوکرین پر روس کے حملے کے 10 ماہ سے زائد عرصہ گزرنے کے ساتھ ہی دنیا پر چھائے جنگ کے بادل کے درمیان اناج کے بحران سے نمٹنے کے لیے اقوام متحدہ کے سکریٹری جنرل انٹونیو گوٹیرس نے ایک بڑا قدم اٹھایا ہے۔ گوٹیرس نے کویت کے عبداللہ عبدالصمد دشتی کو اقوام متحدہ کی ثالثی میں بلیک سی گرین انیشئیٹو کا نیا رابطہ کار مقرر کیا ہے۔ ترجمان اسٹیفن ڈوجارک نے بدھ کو یہ معلومات دی۔

اقوام متحدہ کے سکریٹری جنرل نے دنیا میں خوراک کے بحران کو دور کرنے کے لیے یہ بڑا قدم اٹھایا ہے۔ خیال رہے کہ یوکرین روس جنگ کے بعد دنیا میں خوراک کا بحران پیدا ہو گیا ہے۔ ترجمان نے بتایا کہ اقوام متحدہ کے سکریٹری جنرل انٹونیو گوٹیرس نے بدھ کے روز کویت کے عبداللہ عبدالصمد دشتی کو بحیرہ اسود کے اناج کے اقدام کے لیے اقوام متحدہ کا کوآرڈینیٹر مقرر کرنے کا اعلان کیا۔