نیویارک،21 دسمبر (انڈیا نیریٹو)

دنیا کے مشہور سوشل میڈیا پلیٹ فارم ‘’’ٹویٹر‘‘ کے نئے مالک ایلن مسک نے ایک سروے (پول) میں شکست کے بعد حیرت انگیز تبصرہ کرکے سرخیاں بٹور لی ہیں۔ انہوں نے کہا ہے کہ اپنے عہدے کے لئے کوئی معقول بیوقوف مل جائے گا تو وہ سوشل میڈیا کمپنی کے چیف ایگزیکٹیو کے عہدے سے استعفیٰ دے دیں گے۔

مسک نے منگل کو ٹویٹ کیا- ’جیسے ہی مجھے اس عہدے پر کام کرنے کے لائق کوئی احمق مل جائے گا، میں سی ای او کے عہدہ سے استعفیٰ دے دوں گا۔ اس کے بعد میں صرف سافٹ ویئر اور سرور ٹیم کی خدمات انجام دوں گا‘۔

قابل ذکر ہے کہ مسک (51) نے اتوار کو ایک پول میں ٹویٹر پر لوگوں سے پوچھا تھا کہ انہیں ٹویٹر کے چیف کا عہدہ چھوڑنا چاہیے یا نہیں۔ اس سروے پر 1.7 کروڑ یوزر نے رائے دی۔ ان میں سے تقریباً 57.5 فیصد لوگوں نے ’’ہاں‘‘۔ جبکہ 42.5 فیصد نے ’’نا‘‘ کا متبادل چنا۔ مسک نے اتوار کو ٹویٹ کیا تھا، ’’وہ پول کے نتائج کی تعمیل کریں گے۔‘‘

قابل ذکر ہے کہ ایلن مسک اسپیس ایکس کے بانی اور سی ای او ہونے کے ساتھ ٹیسلا اور انک کے چیف انجینئر ہیں۔ وہ نیورالنک اور اوپن اے آئی آئی کے شریک بانی ہیں۔دسمبر 2021 تک 280 بلین امریکی ڈالر کے تخمینے کے ساتھ دنیا کے امیر ترین شخص ہیں۔ وہ اپنے تبصروں سے سرخیوں میں رہتے ہیں