انقرہ،14مئی (انڈیا نیرٹیو)

 ترکیہ میں صدارتی اور پارلیمانی انتخابات کے لیے ووٹنگ جاری ہے۔صدارتی انتخاب میں ترک صدر اردوان اور اپوزیشن رہنما کمال قلیچ داراوغلو کے درمیان سخت مقابلہ متوقع ہے۔میڈیا رپورٹس کے مطابق صبح 8 بجے شروع ہونے والی پولنگ شام 5 بجے تک جاری رہے گی۔

ترکیہ کی تاریخ میں پہلی بار 24 پارٹیاں اور 151 آزاد امیدوار انتخابات میں حصہ لے رہے ہیں۔ترکیہ اور ترکیہ سے باہر مقیم ساڑھے 6 کروڑ سے زائد ووٹرز رائے شماری میں حصہ لے رہے ہیں۔ترک میڈیا کے مطابق صدارتی امیدوار کو کامیابی کے لیے 50 فیصد سے زائد ووٹ حاصل کرنا ہوں گے۔

رپورٹس کے مطابق فیصلہ نہ ہوسکا تو زیادہ ووٹ حاصل کرنے والے دو امیدواروں کے درمیان 28 مئی کو دوبارہ مقابلہ ہو گا۔انتخابات سے قبل ترک صدر اور ان کے حامیوں نے تاریخی آیا صوفیہ مسجد میں نماز ادا کی اور کامیابی کے لیے دعائیں مانگی۔

واضح ہو کہ ترکیہ کا یہ انتخاب کئی معنوں میں بہت اہم ہونے والا ہے، کیوں کہ گزشتہ بیس برسوں سے اقتدار پر قابض رجب طیب اردگان کی ساخت داو پر ہے۔ یہ سب سے زیادہ دل چسپی پہلو ہے، دیکھنے والی بات یہ ہے کہ ترکیہ کی عوام اپنا قائد کسے تسلیم کرتی ہے؟ کچھ بھی کہنا قبل از وقت ہوگا البتہ موجودہ صدر کے لیے یہ الیکشن آسان نہیں ہے۔