ماسکو، 5 نومبر (انڈیا نیرٹیو)

روسی صدر ولادیمیر پوتن نے ایک بار پھر ہندوستان اور ہندوستانیوں کی تعریف کی ہے۔ انہوں نے کہا کہ ہندوستان میں بڑی صلاحیت ہے اور وہ ترقی کی راہ میں بہترین نتائج حاصل کرے گا۔ اس میں کسی کو شک نہیں کرنا چاہیے۔

روسی صدر نے 4 نومبر کو روس کے یوم اتحاد پر ہندوستان کی عظیم صلاحیتوں کا ذکر کرتے ہوئے تعریف کی۔ پوتن نے کہا کہ تقریباً 1.5 بلین لوگ ہندوستان کی سب سے بڑی صلاحیت ہیں۔ وہاں پر ہنرمند لوگوں کا ایک بہت بڑا گروپ ہے۔ پوتن نے افریقہ میں استعمار، ہندوستان کی صلاحیت اور روس کی ’’منفرد تہذیب اور ثقافت‘‘ کا ذکر کیا۔

یہ پہلا موقع نہیں ہے جب پوتن نے ہندوستان کی تعریف کی ہو۔ کچھ دن پہلے پوتن نے وزیر اعظم نریندر مودی کو سچا محب وطن قرار دیا تھا۔ پوتن نے کہا تھا کہ ہندوستان کی ہمیشہ سے آزاد خارجہ پالیسی رہی ہے اور روس کے ساتھ ہمیشہ خصوصی تعلقات رہے ہیں۔