نئی دہلی، 19 دسمبر (انڈیا نیریٹو)

گوگل اور الفابیٹ کے سی ای او سندر پچائی نے پیر کو وزیر اعظم نریندر مودی سے ملاقات کی۔

وزیر اعظم کے ساتھ ملاقات کی تصویر شیئر کرتے ہوئے گوگل کے سی ای او نے ٹویٹ کیا، “آج کی شاندار ملاقات کے لیے وزیر اعظم کا شکریہ۔ آپ کی قیادت میں تکنیکی تبدیلی کی تیز رفتاری کو دیکھنا متاثر کن ہے۔”

انہوں نے مزید کہا، “ہم اپنی مضبوط شراکت کو جاری رکھنے اور ایک کھلا، منسلک انٹرنیٹ جو سب کے لیے کام کرتا ہے، آگے بڑھانے کے لیے ہندوستان کی G20 صدارت کی حمایت کے منتظر ہیں۔”

اس سے پہلے دن میں سندر پچائی نے صدرجمہوریہ دروپدی مرمو سے بھی ملاقات کی۔ اس دوران صدر جمہوریہ نے پدما بھوشن سے نوازے گئے پچائی کو ہندوستانی ہنر اور علم کی علامت قرار دیا اور ان پر زور دیا کہ وہ ہندوستان میں عالمی ڈیجیٹل خواندگی کے لیے کام کریں