غالب انسٹی ٹیوٹ میں 19تا 22 نومبر اردو ڈرامہ فیسٹول،جانئے ڈرامہ گروپ کے بارے میں

غالب انسٹی ٹیوٹ کی شاخ ’ہم سب ڈرامہ گروپ‘ کے زیر اہتمام 19 تا 22 نومبر اردو ڈرامہ فیسٹول کا انعقاد کیا جا رہا ہے۔ غالب انسٹی ٹیوٹ کے ڈائرکٹر ڈاکٹر ادریس احمد نے بتایا کہ غالب انسٹی ٹیوٹ ہر سال ڈرامہ فیسٹول کا اہتمام کرتا ہے جس میں ملک کے مشہور و معروف ڈرامہ گروپ شرکت کرتے ہیں۔ 19 نومبرکو شام چھے بجے ایوان غالب میں ’ہم سب ڈرامہ گروپ‘ کی چیر پرسن ڈاکٹر رخشندہ جلیل اس فیسٹول کا افتتاح کریں گی۔ 19نومبر کو انترال تھیئٹر گروپ کی جانب سے ڈرامہ ’دیکھا اندیکھا‘ پیش کیا جائے گا جس کو جناب اشوک لال نے تحریر کیا ہے اور ہدات کار جناب فہد خان ہیں۔

 20 نومبر کو ’عجیب داستان ہے یہ‘ تحریر پروفیسر دانش اقبال، پیشکش ونگ کلچرل سوسائٹی، اسٹیج کیا جائے گا۔ 21 نومبر کو ’پت جھڑ‘ تحریر جناب ایس ایم اظہر عالم، پیشکش لِٹل تھیسپیئن کولکاتہ پیش کیا جائے گا۔ فیسٹول کے آخری دن 22 نومبر کو ’قصے بازی‘ تحریر جناب دانش حسین، پیشکش ہوش ربا ریپرٹری پرائیوٹ لمیٹڈ اسٹیج کیا جائے گا۔ ڈاکٹر ادیس احمد نے بتایا کہ تمام ڈرامے شام چھے بجے شروع ہوں گے جس کی انٹری بالکل مفت رہے گی۔