فلم گل مہر کا ایک اور ٹریلر جاری کر دیا گیا ہے۔ ٹریلر کا آغاز غزل گلوکار طلعت عزیز کی روح پرور آواز سے ہوتا ہے۔ جہاں گھر کی سربراہ کسم یعنی شرمیلا ٹیگور کے الفاظ دل کو جذباتی کر دیں گے۔ بترا خاندان کے اولڈ ہوم سے الگ ہونے کا ایک دوسرے سے دور ہونے کا خوف اور درد کس طرح ارون یعنی منوج باجپئی کے الفاظ میں جھلکتا ہے۔

خاندان سے علیحدگی کا خوف، نظریات میں باہمی اختلاف اور رشتوں کو نہ سمجھنے میں نوجوان نسل کی لاعلمی اس ٹریلر میں نظر آتی ہے۔ فلم کا یہ ٹریلر شائقین کی آنکھوں کو نم کر دے گا۔

آپ کو بتادیں کہ فلم ریلیز سے پہلے ہی اپنی کہانی اور اسٹار کاسٹ کے لیے خبروں میں ہے۔ فلم گل مہر سے جڑی کہانیاں ناظرین میں تجسس پیدا کر رہی ہیں۔

فلم گل مہر میں خاندانی رشتوں کی گہرائی اور ان کے درمیان الجھن اور ہم آہنگی کو دکھایا گیا ہے۔ یہ ایک ایسی فلم ہے جو جوائنٹ فیملی کی کہانی بیان کرے گی اور ان کے درمیان مضبوط جذبات اور اتار چڑھاو ، جو اس دور میں کہیں کھو گئے ہیں۔

منوج باجپئی بھی پہلی بار اپنے عام کرداروں سے مختلف نظر آئیں گے۔ اس کے علاوہ فلم میں امول پالیکر، سورج شرما اور سمرن اہم کرداروں میں ہیں۔ راہل چٹیلہ کی ہدایت کاری اور راہل چٹیلہ ارپیتا مکھرجی کی تحریر کردہ گل مہر 3 فروری کو ڈزنی پلس ہاٹ اسٹار پر ریلیز ہوگی۔