کارتک آریان ہندی فلموں میں طویل ترین ڈائیلاگ بولنے والے اداکار

<p dir="RTL" style="text-align: justify;">
<strong>یوم پیدائش پر خصوصی تحریر: 22 نومبر</strong></p>
<p dir="RTL" style="text-align: justify;">
بالی ووڈ میں ایک رومانوی اور کامک ہیرو کی امیج بنانے والے ہینڈسم چاکلیٹی بوائے کارتک آریان آج کسی تعارف کے محتاج نہیں۔ کارتک کی پیدائش 22 نومبر 1990 کو گوالیار میں ہوئی تھی۔ کارتک کو بچپن سے ہی اداکاری کا شوق تھا، اسکول کی تعلیم مکمل ہونے کے بعد کارتک مزید تعلیم کے لیے دہلی آگئے۔ لیکن کارتک کا جھکاؤ اداکاری کی طرف تھا جس کی وجہ سے کارتک نے ممبئی جانے کا ارادہ کیا اور اپنا خواب پورا کرنے ممبئی چلے گئے۔ وہاں جانے کے بعد انہوں نے بی ٹیک میں داخلہ لیا اور پڑھائی کے ساتھ ساتھ فلموں میں اداکاری کے لیے آڈیشن دینا شروع کر دیا۔</p>
<p dir="RTL" style="text-align: justify;">
ان کے گھر والوں کو فلموں میں کارتک کے آڈیشن کے بارے میں علم نہیں تھا۔ اس دوران کارتک کو کئی مشکلات کا سامنا بھی کرنا پڑا۔ بالآخر ان کی محنت رنگ لائی اور 2011 میں ڈائریکٹر لو رنجن نے انہیں ایک بڑا بریک دیا۔ اس سال کارتک آریان کی پہلی فلم ’پیار کا پنچنامہ‘ ریلیز ہوئی تھی۔ یہ ایک رومانوی کامیڈی فلم تھی اور اس فلم میں کارتک نے پانچ منٹ طویل ڈائیلاگ بولے۔ اسے ہندی فلم انڈسٹری کا سب سے طویل ڈائیلاگ مانا جاتا ہے۔</p>
<p dir="RTL" style="text-align: justify;">
اس فلم میں ان کی اداکاری کو بے حد سراہا گیا اور انہیں مزاحیہ کردار میں بہترین اداکار کے فلم فیئر ایوارڈ سے بھی نوازا گیا۔ اس فلم کے بعد کارتک نے کئی فلموں میں کام کیا۔ ان میں آکاشوانی، پیار کا پنچنامہ 2، لندن میں مہمان، سونو کی ٹیٹو کی سویٹی، لکا چھپی، پتی پتنی اور وہ وغیرہ شامل ہیں۔ فلموں کے ساتھ ساتھ کارتک سوشل میڈیا پر بھی کافی متحرک ہیں، سوشل میڈیا پر ان کے مداحوں کی تعداد لاکھوں میں ہے۔ کارتک نے بہت کم وقت میں اداکاری کی دنیا میں ایک مضبوط شناخت بنائی ہے۔</p>