سابق وزیر اعظم اٹل بہاری واجپئی کی بایوپک’ میں رہوں یا نہ رہوں یہ دیش رہنا چاہئے – اٹل ‘ کولیکر ایک تازہ اپڈیٹ سامنے آئی ہے۔دراصل اس فلم میں اداکار پنکج ترپاٹھی سابق وزیر اعظم اٹل بہاری واجپائی کا کردار ادا کرتے نظر آئیں گے۔ اس کا اعلان جمعہ کو میکرز نے کیا۔ ساتھ ہی اداکار بھی اس فلم کو لے کر کافی پرجوش ہیں۔

اداکار نے سوشل میڈیا پر فلم بنانے والوں کے ساتھ اپنی ایک تصویر شیئر کرکے اس خبر کی تصدیق کی ہے۔ اس کے ساتھ ہی پنکج ترپاٹھی نے کیپشن میں اٹل بہاری واجپائی کی ایک لائن لکھی ’ہم جییں گے تو ہے بھارت کے لیے، مریںگے تو ہے بھارت کے لیے‘ – شری اٹل بہاری واجپائی۔

فلم’ میں رہوں یا نہ رہوں یہ دیش رہنا چاہئے اٹل‘ ایک سیاسی ڈرامہ فلم ہوگی۔ اس کی کہانی سابق وزیر اعظم پر لکھی گئی کتاب ’ دی ان ٹولڈ واجپائی‘ پر مبنی ہوگی۔ فلم کو ونود بھانوشالی اور سندیپ سنگھ پروڈیوس کریں گے۔ فلم کی شوٹنگ اگلے سال شروع ہوگی اور یہ آنجہانی وزیراعظم اٹل بہاری واجپائی کے 99ویں یوم پیدائش پر ریلیز ہوگی۔