دم دار اداکاری سے بالی ووڈ میں ایک خاص مقام حاصل کرنے والی اداکارہ تاپسی پنو کی آنے والی فلم ’ بلر ‘ جلد ہی ریلیز ہونے جارہی ہے ،تاہم اس بار میکرز نے فلم کو او ٹی ٹی پر ریلیز کرنے کا فیصلہ کیا ہے۔ خود تاپسی نے اپنے آفیشل سوشل میڈیا اکاو¿نٹ پر یہ جانکاری دی ہے۔

اس سے قبل تاپسی کی دو فلمیں ’ شباس مٹھو‘ اور’ دوبارہ‘ آئیں تھیں ، لیکن دونوں ہی باکس آفس پر ناکام ہوگئیں۔ سلور اسکرین پر ریلیز ہونے والی یہ فلمیں اپنی قیمت بھی وصول نہیں کر سکیں۔ اس کے پیش نظر اب میکرز نے فلم ’ بلر ‘ کو او ٹی ٹی پلیٹ فارم پر ریلیز کرنے کا فیصلہ کیا ہے۔ بدھ کو تاپسی پنو نے سوشل میڈیا پر’ بلر‘ کا موشن پوسٹر جاری کیا اور فلم کی ریلیز کی تاریخ کا بھی انکشاف کیا۔ تاپسی نے اس موشن پوسٹر کے کیپشن میں لکھا ہے ، جو نظرآتا ہے اس سے کہیں زیادہ ہمیشہ ہوتا ہے۔

ہم آپ کو بتاتے ہیں کہ بلر اگلے ماہ 9 دسمبر کو مشہور اوٹی ٹی پلیٹ فارم جی5 ایپ پر جاری کیا جائے گا۔ تاپسی نے فلم میں اداکاری کے ساتھ ساتھ اس کے پروڈیوسر کے طور پر بھی کام کیا ہے۔ موشن پوسٹر کو دیکھ کر لگتا ہے کہ تاپسی فلم میں ڈبل رول کرتی نظر آ رہی ہیں۔ تاپسی پنو کے کام کے بارے میں بات کریں، بلر کے علاوہ، وہ جلد ہی فلم ڈانکی ، وہ لڑکی ہے کہاں اور’ ایلین ‘ میں بھی اداکاری کرتی نظر آئیں گی۔