بہار میں کورونا کی صورت حال دھماکہ خیز، پٹنہ سب سے بڑا ہاٹ اسپاٹ

<p dir="RTL" style="text-align: justify;">
<strong>وزیر جنک رام، نتیا نند رائے بھی ہوئے مثبت ، 1ہزار 599 افراد کی کورونا رپورٹ مثبت</strong></p>
<p dir="RTL" style="text-align: justify;">
بہار میں کورونا کی صورت حال دھماکہ خیز بن گئی ہے۔ پٹنہ سب سے بڑا ہاٹ اسپاٹ بن گیا ہے۔ جمعرات دوپہر 12 بجے تک 1599 افراد کی رپورٹ مثبت آئی ہے۔ اس میں سے 396 لوگ پٹنہ سے باہر کے ہیں لیکن ان کی جانچ یہاں کی گئی تھی۔ 1203 افراد کا تعلق دارالحکومت سے ہے جن میں 17 سال سے کم عمر کے 18 بچے بھی شامل ہیں۔ یہ خوفناک اعداد و شمار صرف چار گھنٹے کے ہیں۔ </p>
<p dir="RTL" style="text-align: justify;">
ادھر بی جے پی کے راجیہ سبھا ایم پی راکیش سنہا متاثر ہو گئے ہیں۔ انہوں نے ٹوئیٹ کرکے اس کی جانکاری دی۔ اس کے ساتھ ہی مرکزی وزیر مملکت برائے داخلہ نتیانند رائے اور وزیر جنک رام کی رپورٹ مثبت آئی ہے۔ پٹنہ میں تین ماہ کی معصوم بچی بھی متاثر پائی گئی ہے۔ اسے این ایم سی ایچ میں داخل کرایا گیا ہے۔</p>
<p dir="RTL" style="text-align: justify;">
محکمہ صحت کے ایڈیشنل چیف سکریٹری پرتیا امرت نے کہا کہ بہار میں کورونا کے مریض تین سے پانچ دنوں میں ٹھیک ہو رہے ہیں۔ گھبرانے کی ضرورت نہیں ہے۔ صرف 63 افراد اسپتال میں داخل ہیں۔ 98 فیصد ہوم آئیسولیشن میں شفا یاب ہو رہے ہیں۔ اگر کسی مریض کی عمر 60 سال سے زیادہ ہے اور اسے پہلے سے موجود بیماری ہے تو آکسیجن کی سطح کی نگرانی کرتے رہیں۔ کورونا کا بڑھتا ہوا رجحان بتاتا ہے کہ یہ کورونا کا نیا ویرینٹ اومیکرون ہے۔ بہار میں ڈیلٹا اور ڈیلٹا پلس کی مختلف اقسام کے کیس بھی ہیں۔نئے ویرینٹ کی شناخت کے لیے آئی جی آئی ایم ایس میں ایک اور مشین لگے گی۔</p>
<p dir="RTL" style="text-align: justify;">
بدھ کو 1659 نئے کیسز سامنے آئے، یعنی ہر گھنٹے میں 69 مثبت، جو گزشتہ 7 ماہ میں سب سے زیادہ ہے۔ اس سے قبل 28 مئی کو ایک دن میں 1785 نئے مریض سامنے ا?ئے تھے۔ اس کے ساتھ ہی اگر ہم اعداد و شمار پر نظر ڈالیں تو ریاست میں کورونا کی رفتار تقریباً چھ گنا زیادہ ہے۔ یکم جنوری کو 281 نئے کیس رپورٹ ہوئے تھے۔ 5 جنوری کو یہ تعداد 1659 تک پہنچ گئی۔ اعداد و شمار کے مطابق گزشتہ 24 گھنٹوں میں 184 متاثرہ افراد کے شفا یاب ہونے کے بعد بھی فعال مریضوں کی تعداد 2222 سے بڑھ کر 3697 ہو گئی ہے۔</p>