Urdu News

ڈونالڈ ٹرمپ کی کمپنیوں پر 13 کروڑ سے زائد کا جرمانہ

سابق امریکی صدر ڈونالڈ ٹرمپ

نیویارک،14 جنوری (انڈیا نیریٹو)

سابق امریکی صدر ڈونالڈ ٹرمپ کی کمپنیوں پر ٹیکس فراڈ کیس میں ایک مقامی عدالت نے 16 لاکھ ڈالر (تقریباً 13 کروڑ) کا جرمانہ عائد کیا ہے۔ ٹرمپ کی کمپنی کو گزشتہ ماہ سازش اور کاروباری ریکارڈ میں ہیرا پھیری سمیت 17 ٹیکس جرائم کا مجرم قرار دیا گیا تھا۔

ٹرمپ آرگنائزیشن کی ذیلی کمپنیوں ٹرمپ کارپ اور ٹرمپ پے رول کارپ پر بالترتیب 8 لاکھ 10 ہزار ڈالر اور 8 لاکھ ڈالر کا جرمانہ عائد کیا گیا ہے۔ عدالت نے جرمانے کی رقم 14 روز کے اندر جمع کرانے کا حکم دیا ہے۔

ماہرین کے مطابق جرمانہ ٹرمپ ٹاور کے ایک اپارٹمنٹ کی قیمت سے بھی کم ہے۔ اس لیے کمپنی کے مستقبل کے منصوبوں پر کوئی بڑا اثر ہونے کا امکان نہیں ہے۔ ٹرمپ کی کمپنی نے کہا ہے کہ وہ اس فیصلے کے خلاف مجاز عدالت میں اپیل کرے گی۔ اس سے قبل ٹرمپ آرگنائزیشن کے سابق چیف فنانشل آفیسر ایلن ویسیلبرگ نے 17 لاکھ ڈالر کی ٹیکس چوری کا اعتراف کیا تھا۔ انہیں پانچ ماہ کی سزا سنائی گئی ہے۔ ویسیل برگ کو کمپنی کی جانب سے ایک مفت اپارٹمنٹ، ایک کار اور رہنے کے لیے کافی رقم ملی تھی۔

Recommended