طویل عرصے سے موضوع بحث اداکارہ کاجول کی آنے والی فلم ‘سلام وینکی’ کا نیا پوسٹر جمعرات کو میکرز نے جاری کر دیا ہے۔ اس کے ساتھ ہی فلم کے ٹریلر کی ریلیز کی تاریخ کا بھی اعلان کر دیا گیا ہے جس کے مطابق فلم کا ٹریلر رواں ماہ 14 نومبر کو ریلیز کیا جائے گا۔
اداکارہ اور ہدایتکار ریوتی اس فلم کی ہدایت کاری کر رہی ہیں۔ ایک سچی کہانی اور حقیقی کرداروں سے متاثر، ‘سلام وینکی’ ایک مثالی ماں سجاتا کے ارد گرد گھومتی ہے، جس نے انتہائی مشکل حالات کا مسکراہٹ کے ساتھ سامنا کیا۔
فلم میں کاجول سجاتا کا کردار ادا کرتی نظر آئیں گی۔ کاجول اور ریوتی دونوں فلم کو لے کر بہت پرجوش ہیں۔ فلم کے بارے میں ابھی زیادہ معلومات سامنے نہیں آئی ہیں، لیکن یہ یقینی ہے کہ یہ ایک متاثر کن اور دل کو چھو لینے والی کہانی ہوگی۔ بلائیو پروڈکشن اور ٹیک 23 اسٹوڈیو پروڈکشن کے بینر تلے سورج سنگھ اور شردھا اگروال کی پروڈیوس کردہ اس فلم کی کہانی سمیر اروڑہ نے لکھی ہے۔ فلم رواں سال 9 دسمبر کو سینما گھروں کو دستک دے گی۔
