پدم شری پروفیسر نجمہ اختر،شیخ الجامعہ،جامعہ ملیہ اسلامیہ نے 4 جولائی2023کو مصنوعی ذہانت(اے آئی) اور مشین لرننگ(ایم ایل) سے متعلق تین ہفتے کا مختصر تربیتی پروگرام (ایس ٹی ٹی پی)کا آغا ز کیا۔ جامعہ ملیہ اسلامیہ کے کمپوٹر انجینئرنگ کا شعبہ 4 جولائی سے 22 جولائی 2023 تک یہ یس ٹی ٹی پی منعقد کررہاہے۔
صدر شعبہ پروفیسر بشیر احمد اس پروگرا م کے کنوینر ہیں اور ڈاکٹر سرفرازمسعود اور ڈاکٹر محمد ذیشان انصاری اس ایس ٹی ٹی پی کے کوآرڈی نیٹر ہیں۔ایف سی ایف ایس کی بنیاد پر کل 657 امیدواروں میں سے صرف ایک 128 (انچاس آف لائن اور اناسی آن لائن)کو ہی اس میں شریک ہونے کے لیے منتخب کیا گیاہے۔
پروگرام کا افتتاحی اجلاس ایف ٹی کے۔سی آئی ٹی میں منعقد ہوا جس میں پروفیسر نجمہ اختر،شیخ الجامعہ نے بطور مہمان خصوصی شرکت کی۔اس پروگرام میں پروفیسر مرزا محمد سفیان بیگ، پرنسپل،انجینرنگ کالج،علی گڑھ مسلم یونیورسٹی،علی گڑھ بطور مہمان اعزاز ی شریک ہوئے۔
پروفیسرنجمہ اخترنے بی ٹیک،ایم ٹیک اور پی ایچ ڈی اورفیکلٹی اراکین کو تحریک دلائی کہ ہیلتھکیئر،تعلیم،زراعت،ای۔گورنینس،دفاع اور دیگر عوامی خدمات والے شعبوں میں عوام کی زندگی کو خوش حال،آسان اور پرسکون بنانے کے لیے سستا اور کفایتی اور بہترین مصنوعی ذہانت والا نظام اور اس کی اپلی کیشن تیار کریں۔
پروفیسر مرزا نے اپنی تقریر میں موجودہ مصنوعی ذہانت اور مختلف شعبہ جات میں اور برائے رسرچ اے آئی ٹولز کے لیے اپلی کیشنز کے نئے رجحانات کواجا گر کیا۔پروفیسر بشیر عالم نے افتتاحی تقریر میں پروگرام کے خاکے تفصیل بتائی اور کہاکہ اس پروگرا م سے شرکا کو اے آئی،مشین لرننگ،ڈیپ لرننگ،کمپوٹر وڑن،این ایل پی، کیراس، ٹینسر فلو اور ڈاٹا سائنس میں مہارت حاصل ہوگی۔
پروفیسر نجمہ اختر نے پروفیسر بشیر عالم اور ان کی ٹیم کی کوششوں کی تعریف کی کہ ان کی کوششوں سے اے آئی اور مشین لرننگ کے موضوع پر تین ہفتے کا مختصر تربیتی پروگرام شعبے میں منعقد ہورہاہے۔ پروفیسر منی تھامس، ڈین فیکلٹی آف انجینرنگ نے استقبالیہ خطبہ دیا۔ شعبے کے پروفیسر محمد امجد کے اظہار تشکر کے ساتھ پروگرام اختتام پذیر ہواجس کے بعد قومی ترانہ ہوا۔
