بگ باس 16 کے مدمقابل بننے والے عبدو روزک چند دنوں میں سب کے دلوں کی جان بن گئے ہیں۔ وہ گھر میں سب کے اچھے دوست ہیں۔ بگ باس کے گھر میں ہی نہیں، انہیں ملک اور دنیا سے بھی بہت پیار مل رہا ہے۔ اس کی وجہ ان کی فطرت اور سب کو ہنسانے کا ہنر ہے۔ یہی وجہ ہے کہ مشہور شخصیات بھی ان کی تعریفیں کرتے ہوئےنہیں تھکتیں۔
تاجکستان سے ہندوستان میں اپنا نام بنانے کا ان کا سفر اتنا آسان نہیں تھا۔ وہ دیکھنے میں چھوٹے ہو سکتےہیں لیکن ان کی جدوجہد انہیں بڑا بنا دیتی ہے۔
عبدو روزک تاجکستان کے رہنے والے ہیں۔ ان کے والد ایک مالی تھے۔ بگ باس کے شو میں عبدو نے خود بتایا کہ وہ بہت برے دور سے گزرے ہیں۔ وہ اتنے غریب تھے کہ بارش میں ان کے گھر کی چھت ٹپکنے لگتی تھی۔ ان سب باتوں کے باوجود انہوں نے ہمت نہیں ہاری اور برابر آگے بڑھتے رہے۔
عبدو کی عمر صرف 19 سال ہے۔ وہ دنیا کے سب سے کم عمر گلوکار ہیں۔ انہیں اپنی شناخت تاجک ریپ’ اوہی دلی زور’ سے ملی۔ اس کے بعد ان کے گانے سوشل میڈیا پر خوب وائرل ہونے لگے۔ ان کا اپنا یوٹیوب چینل ہے۔ ان کے 580 کےسبسکرائبرز بھی ہیں۔
اگر آپ سوشل میڈیا پر ایکٹو ہیں تو آپ نے اپنے شو میں انٹری لینے سے پہلے عبدو کی کچھ ویڈیوز ضرور دیکھی ہوں گی۔ ان کی برگر کھاتے ہوئے ایک ویڈیو بھی کافی مقبول ہوئی تھی جس میں وہ برگر کو برگر کہتے ہوئے نظر آ رہے ہیں۔
سلمان خان کا مشہور گانا دل دیوانہ گا کر سب کو حیران کردیا۔عبدو کی مقبولیت کا اندازہ آپ اس بات سے لگا سکتے ہیں کہ وہ جلد ہی سلمان خان کی نئی فلم ‘کسی کا بھائی کسی کی جان’ میں نظر آئیں گے۔
