ممبئی، 21 فروری (انڈیا نیریٹو)

چیمبور کے علاقے میں ایک لائیو کنسرٹ کے دوران مشہور گلوکار سونو نگم پر حملہ کرنے والے ملزم سوپنل فاترپیکر کی بہن سپردا فاترپیکر اپنے بھائی کو بچانے کے لیے آگئی ہیں۔

سپردا نے کہا، ’’میرا بھائی سونو نگم کے ساتھ سیلفی لینا چاہتا تھا۔ سیلفی لیتے وقت وہ سونو نگم کے باڈی گارڈ کے ساتھ جھگڑ پڑے۔ یہ صرف ایک مداح کا لمحہ تھا جو غلط ہو گیا۔

اس کے بعد ہم نے سونو نگم سے معافی مانگ لی ہے۔ میرا بھائی سونو نگم کا بہت بڑا مداح ہے، اسے صرف سیلفی لینا تھی۔ میری درخواست ہے کہ اس معاملے کو سیاسی رنگ نہ دیا جائے۔‘‘

سوپنل فاترپیکر کے والد پرکاش فاترپیکر شیوسینا کے ادھو دھڑے کے ایم ایل اے ہیں۔ اس معاملے میں سونو کے پولس میں شکایت درج کرانے کے بعد سوپنل فاترپیکر کی بہن سپردا کا ردعمل سامنے آیا ہے۔