اکشے کمار، پریش راول، سنیل شیٹی کی فلم ’ہیرا پھیری‘ کے تیسرے پارٹ کی شوٹنگ شروع ہوگئی ہے۔ پہلی فلم ‘ہیرا پھیری’ سال 2000 میں ریلیز ہوئی تھی۔ اس فلم کے مداحوں کی تعداد بہت زیادہ ہے۔ اب اس فلم کا تیسراپارٹ جلد ہی ناظرین کے سامنے آنے والا ہے۔ اس ’ہیرا پھیری-3‘ کی شوٹنگ شروع ہو چکی ہے اور فی الحال فلم کے سیٹ سے ایک تصویر سوشل میڈیا پر وائرل ہو رہی ہے۔

فلم ’ہیرا پھیری-3‘ پچھلے کچھ مہینوں سے خبروں میں ہے۔ اس فلم پر پروڈیوسر اور ڈائریکٹر گزشتہ کئی ماہ سے کام کر رہے تھے۔ اب بالآخر فلم کی شوٹنگ شروع ہو گئی ہے۔ فلم کے تینوں اداکاروں کی ایک تصویر وائرل ہو رہی ہے۔ وائرل تصویر میں پریش راول بابو بھائی کے گیٹ اپ میں اور اکشے کمار راجو کے گیٹ اپ میں نظر آ رہے ہیں۔ سنیل شیٹی ویسے ہی سادہ لباس میں نظر آ رہے ہیں۔

سوشل میڈیا پر یہ تصویر وائرل ہوتے ہی صارفین نے تبصرے شروع کر دیے۔ ایک نے لکھا، ’آخر کار تینوںپھر ایک ہو گئے‘۔ جب کہ دوسرے نے تبصرہ کیا، ‘یہ بالی ووڈ کی تاریخ کی بہترین کامیڈی فلم ہوگی‘۔ تیسرے نے لکھا،’بابوراو، شیام اور راجو اتنے سالوں بعد واپس آئے ہیں۔ میں بہت خوش ہوں‘۔ مجموعی طور پر مداح انہیں مبارکباد دے رہے ہیں۔

فلم کی شوٹنگ ممبئی میں فیروز ناڈیاڈوالا کے ایمپائر اسٹوڈیو میں کی گئی ہے۔ فلم ‘ہیرا پھیری’ سال 2000 میں ریلیز ہوئی تھی۔ سال 2006 میں اس کا دوسرا پارٹ فلم ’ہیرا پھیری-2‘ریلیز ہواتھا۔ اب شائقین کو ’ہیرا پھیری-3‘کا بے صبری سے انتظار ہے۔